Atari:Hezkuntza/Arbela/Galderak

Unibertsitatetan egiten ari garen ikastaroetan Arbela (Dashboard) erabiltzen dugu ikasleen jarraipena egin eta estatistikak eskuratzeko. Irakasleek ere aukera duzue jarraipen bera egiteko, eta ebaluaziorako tresna egokiak eskaintzen ditu. Jarraian tresna honetan dituzuen aukerak azalduko ditugu:

Ikastaroan sartzea

Ikastaro bakoitzean sartzea irekia da, hala ere, aldaketak egiteko (ikasleen artikuluetan, adibidez), irakasle gisa erregistratuta egon behar zarete. Hori nahi izanez gero, kontu bat sortu beharko duzue eta ikastaroa kudeatu duen wikilariari sarbidea eskatu.

Hala ere, publikoki ere sar zaitezkete ikastaroetara, Atari:Hezkuntzan dauden loturak jarraituta, edo botoi hauen bidez, ondoren dagokion ikasgaia hartuta:

Arabako campusa Bizkaiko campusa Gipuzkoako campusa

Ikasle bakoitzak egindakoa ikustea

Ikasle bakoitzak zer egin duen ikusteko aukera ezberdinak ditugu.

Sarrera: estatistika orokorrak

Sarreran estatistika orokor batzuk emango dizkigu, interesgarria jakiteko gure kurtsoan egin dena zer den.

Orriaren goialdeko metriketan, hauek ageri dira:

• Sortutako artikuluak: programaren barruko erabiltzaileen kohorteak sortutako artikulu berrien kopurua da. Sortutako artikuluen zerrenda, era berean, editatutako artikuluekin batera ageri da, «Artikuluak» fitxan.
• Editatutako artikuluak: programaren barruan erabiltzaileen kohorteak ekarpenak egindako artikuluen kopurua da.
• Edizioak, guztira: programaren barruan kohorteak egindako edizioen guztizko kopurua da.
• Editoreak: kohorteari programarako batu zaizkion editoreen kopurua da. Editoreak batzeko bideak bi dira: editoreak berak izena emanda, edo programa-antolatzaileak batuta
• Gehitutako hitzak: erregistratutako edizioen bidez proiektuari gehitutako hitzen kopuruaren kalkulua da. Kalkulua egiteko oinarria da edizio bakoitzean gehitutako byte kopurua. Gaur egun, hitzeko byten batez besteko kopurutzat ingeles hizkuntzarena erabiltzen da.
• Artikulu ikustaldiak: programara batutako editore batek egindako lehen edizioaz geroztik programaren barruan landutako orriei egin zaizkien ikustaldien kopuruaren kalkulua da.
• Commonsera igotakoak: programaren barruan Wikimedia Commonsera igotako multimedia fitxategien kopurua da.

Artikuluak

Ikasleek zuzenean artikuluen gainean lan egin badute, eta artikuluaren izenburua zuzen idatzi badute, aukera izango dugu artikuluan egindako aldaketak ikusteko.