What's Eating Gilbert Grape

Txantiloi:Film infotaula automatikoa What's Eating Gilbert Grape (euskaraz Nor Maite Du Gilbert Grapek?) 1993ko Lasse Hallström suediar zinema zuzendariaren drama filma bat da. Filma Peter Hedges idazlearen izenburu berdineko What's Eating Gilbert Grape eleberrian oinarritua dago, bere zinemarako gidoiaren egokitzapena ere berak idatzi zuelarik.

Filma honek Johnny Depp aktorea ospetsu bilakatu zuen, aldi berean Juliette Lewis eta Leonardo DiCaprio aktoreak ikuslegoarentzat aurpegi ezagun bilakatuaraziz.

Argumentua

AEBtako Iowa estatuko Endora udalerri lasaian behin ere ez da ezer gertatzen. Bertan Grape familia bitxia bizi da. Familiaburua eta anai zaharrena Gilbert gaztea da (Johnny Depp), bere bizitza monotonoa lantegi txiki bateko lana, ezkondutako maitalea eta bere familia ekonomikoki aurrera ateratzeko arduran banatua dago. Bere amak Bonnie-k (Darlene Cates) senarrak bere buruaz beste egin ostean gizentasun morbidoa du, Arnie (Leonardo DiCaprio) anai gazteak atzerapen mentala du, eta bi arreba ere baditu (Mary Steenburgen eta Mary Kate Schellhardt). Gilbertek bere buruari eskeintzeko denbora gutxi du, bere denbora gehiena Arnie anaia zaintzen igarotzen baitu. Halere, egun batez bere bizitzan Becky azalduko da Juliette Lewis eta harekin batera laino arteko eguzki printza bat eta maitasuna.

Aktoreak

• Johnny Depp: Gilbert Grape
• Juliette Lewis: Becky
• Leonardo DiCaprio: Arnie Grape
• Mary Steenburgen: Betty Carver
• Darlene Cates: Bonnie Grape
• Laura Harrington: Amy Grape
• Mary Kate Schellhardt: Ellen Grape
• Kevin Tighe: Ken Carver
• John C. Reilly: Tucker Van Dyke
• Crispin Glover: Bobby McBurney
• Penelope Branning: Beckyren amona

Kanpo loturak

• What's Eating Gilbert Grape filmaren IMDBko fitxa irakurgai (Ingelesez)