Zaraitzu: berrikuspenen arteko aldeak
t Robota: Aldaketa kosmetikoak |
|||
146. lerroa: | 146. lerroa: | ||
== Festak == |
== Festak == |
||
* [[Irailaren 8]]an, [[Otsagabia]]ko jaiak. |
* [[Irailaren 8]]an, [[Otsagabia]]ko jaiak. |
||
* [[Irailaren 17]]an, [[Muskilda]]ko Andre Maria. |
* [[Irailaren 17]]an, [[Muskilda]]ko Andre Maria. |
||
21:18, 23 maiatza 2018ko berrikusketa
Zaraitzu | ||
---|---|---|
Euskal Herria | ||
| ||
Otsagabia. | ||
Administrazioa | ||
Herrialdea | Nafarroa | |
Udalerriak | 16 | |
Herri handiena | Otsagabia | |
Izen ofiziala | ||
Geografia | ||
Koordenatuak | 42°53′33″N 1°05′10″W / 42.89261884°N 1.08619158°W | |
Azalera | 310 km² | |
Demografia | ||
Biztanleria | 1.337 (2021: −11) | |
Dentsitatea | 4,31 biztanle/km² |
Zaraitzu Nafarroako ipar-ekialdean dagoen ibarra da, Zangozako merindadean. Mendebaldeko Pirinioetako eskualdea da.
Gaur egun 1.663 biztanle baino ez ditu ibarrak, 310 km2-ko azaleran bizi direnak (5,5 bizt/km2 inguru). Hiriburua Ezkaroze da, Otsagabia eskualdeko herririk populatuena eta handiena da eta Itzaltzu, berriz, biztanle gutxien duen udalerria da.
Mugakideak
Mugakide hauek ditu: Iparraldean Basabürüa (Zuberoa); hegoaldean Nabaskoze udalerria; mendebaldean Aezkoa; eta ekialdean Erronkariko ibarra.
Udalerriak
- Otsagabia (625 biztanle).
- Ezkaroze (340).
- Jaurrieta (215).
- Galoze (106): Honen barruan Izize (24), Itzalle (37) eta Uskartze (42) herriak.
- Espartza-Zaraitzu (91).
- Sartze (69): Honen barruan Ibiltzieta (38).
- Gorza (53): Honen barruan Igari (27) eta Erripalda (3).
- Orontze (51).
- Itzaltzu (49).
Biztanleriaren bilakaera
Udalerria | 1975 | 1981 | 1986 | 1991 | 1996 | 2001 | 2005 |
---|---|---|---|---|---|---|---|
Espartza | 199 | 160 | 159 | 136 | 122 | 103 | 100 |
Ezkaroze | 466 | 431 | 400 | 365 | 364 | 358 | 363 |
Galoze | 149 | 135 | 142 | 133 | 124 | 121 | 118 |
Gorza | 122 | 113 | 106 | 90 | 79 | 72 | 65 |
Itzaltzu | 84 | 54 | 52 | 49 | 49 | 45 | 46 |
Jaurrieta | 415 | 391 | 359 | 321 | 268 | 238 | 225 |
Otsagabia | 826 | 777 | 721 | 676 | 701 | 666 | 651 |
Orontze | 66 | 70 | 70 | 57 | 53 | 56 | 55 |
Sartze | 121 | 112 | 106 | 111 | 84 | 79 | 81 |
guztira | 2448 | 2243 | 2115 | 1938 | 1844 | 1738 | 1704 |
Inguru naturala
Ibaiak
Zaraitzu ibaia iparraldetik hegoaldera zeharkatzen du ibarra, bertako ardatza da eta izena ematen dio eskualdeari.
Mendiak
Abodiko mendilerroak banatzen du ibarra Aezkoarekin mendebaldean eta Iratiko oihanarekin iparraldean.
Orhi mendiak (2.017 m), mendebaldeko Pirinioetako lehen gailurra 2.000 metro baino altuagoa dena, bereizten ditu eskualdea eta Larraine aldea (Zuberoa).
Zaraitzuera
Bertako euskalkia, zaraitzuera edo "Zaraitzuko uskara", bertakoek oraindik erabiltzen zuten XX. mendearen bukaeran. Bonaparte printzeak euskalki hau Ekialdeko Behe Nafarrerarekin batera sailkatu zuen. Koldo Zuazoren sailkapenean, ordea, Erronkariera eta Zaraitzuera Ekialdeko Nafarrera deitzen duen euskalkiaren bi hizkerak dira.
Gaur egun, Euskararen Foru Legeak bitan banatu du ibarra hizkuntza-lurraldeei dagokienez: Alde batetik, alde mistoan ia udalerri guztiak ditugu, Otsagabia, Ezkaroze, Jaurrieta, Espartza-Zaraitzu, Sartze, Gorza, Orontze eta Itzaltzu alegia, eta bertzetik, alde ez euskaldunean ibarreko hegoaldean Galoze dugu bakarrik.
Festak
- Irailaren 8an, Otsagabiako jaiak.
- Irailaren 17an, Muskildako Andre Maria.
Zaraitzuar ezagunak
- Gabriel Urralburu (1950-), Nafarroako Lehendakari ohia (1984-1991).
- Miguel De Andres (1957-), Athleticeko futbolaria izandakoa.
- Cesar Krutxaga (1974-), Osasunako kapitaina.
Ikus, gainera
Erreferentziak
- ↑ Source : Nafarroako Estatistika Institutua
Kanpo loturak
Wikimedia Commonsen badira fitxategi gehiago, gai hau dutenak: Zaraitzu |
Euskarazko Wikipedian bada atari bat, gai hau duena: Nafarroa |
- (Gaztelaniaz)Zaraitzuko Ibaxaren Batzordearen webgunea
- (Gaztelaniaz) Zaraitzu eta Erronkariko landetxeen webgunea