Fernando Savater

Fernando Savater Ciutadans de Catalunya alderdiaren aldeko ekitaldian.

Fernando Fernández-Savater Martín (Donostia, Gipuzkoa, 1947ko ekainaren 21a - ) filosofo gipuzkoarra da.

Oso egile emankorra izan da, liburu ugari idatziz. Hauen artean, azpimarratzekoak dira "El jardín de las dudas", "Panfleto contra el todo", "Semearentzako etika (Ética para Amador)", "Política para Amador" edo "Las preguntas de la vida". Halaber, "El Pais" egunkarian kolaboratzen du.

Politika mailan, euskal nazionalismoaren aurkako jarrera sutsua erakutsi du azken urteotan, besteak beste Javier Sadabarekin eztabaida filosofiko handiak mantenduz. Hala ere, hasiera batean abertzaletasunetik gertuago ibili zen, "Egin" egunkari desagertuaren kolaboratzailea izanda.

2007ko maiatzan Fernando Savater, PSOEko eurodiputatu zen Rosa Diezekin batera, beste batzuen artean, Espainia mailako alderdi politiko berri bat sortzeko plataforma baten (Plataforma Pro izenekoa) bultzatzaile agertu zen. Horrela, Batasuna, Aurrerapena eta Demokrazia (UPyD) alderdiko kide eta sustatzaile da.