Renfe Operadora: berrikuspenen arteko aldeak

Wikipedia, Entziklopedia askea
Nabigazio historia interaktiboa
← Aurreko ezberdintasunaHurrengo ezberdintasuna →
Ezabatutako edukia Gehitutako edukia
IkusizkoaWikitestua
t Robota: Aldaketa kosmetikoak
Laukatu (eztabaida | ekarpenak)
10.749 edits
No edit summary
4. lerroa: 4. lerroa:
| slogana = ''El tren y tú'' <br> («Trena eta zu»)
| slogana = ''El tren y tú'' <br> («Trena eta zu»)
| irudia = AVE_in_spain.jpg
| irudia = AVE_in_spain.jpg
| irudiaren testua = Renfe Operadoraren 102 Serieko trena
| irudiaren testua = Renfe Operadoraren 102 Serieko trena.
| vector_logo =
| vector_logo =
| konpainia_mota = Enpresa publikoa
| konpainia_mota = Enpresa publikoa

18:11, 16 iraila 2018ko berrikusketa

Renfe Operadora
Renfe Operadoraren 102 Serieko trena.
EsloganaEl tren y tú
(«Trena eta zu»)
MotaEnpresa publikoa
SektoreaTrenen ustiaketa
Sorrera2005*
EgoitzaPío XII etorbidea, 110; 28036 Madril
 Espainia
PresidenteaPablo Vázquez Vega
MerkatuakEspainia
Irabaziak▼ -39,52 milioi € (2012)
EBITDA385.610.000 € (2012)[1]
Langileak13.893 (2012)[2]
EskumendekoakAVE, Alvia, Altaria, Alaris, Euromed, Talgo, Arco, Trenhotel, Estrella, Renfe Distantzia Ertaina, Renfe Aldiriak, Renfe Feve
Webguneahttp://www.renfe.es
Oharrak(*) 2005ean sortu zen RENFEren zatiketaz. Honela Renfe Operadora eta Adif sortu ziren.
Kronologia
• RENFE
• FEVE		 Renfe Operadora

Renfe Operadora Espainiako trenbide eragile publikoa da, Espainiako Sustapen Ministerioaren menpekoa. Bidaiarien garraioaz arduratzen da gehienbat, Interes Orokorreko Sarean monopolioan ibiltzen delarik. Bestalde, zamak ere garraiatzen ditu.

Konpainia RENFE (Red Nacional de los Ferrocarriles Españoles) enpresaren zatiketaz sortu zen 2005eko urtarrilaren 1.an, Trenbide Sektorearen Legearen ondoren.[3] Hala, alde batetik Renfe Operadora sortu zen eragile funtzioa betetzeko, eta bestetik Adif (Administrador de Infraestructuras Ferroviarias) sortu zen trenbide azpiegiturak kudeatzeko.

Historia

Bigarren Mundu Gerraren ondoren Europako burdinbide sareek nazionalizazio eta batasun prozesua jasan zuten. Hala, burdinbide konpainia nazional ezberdinak sortu ziren, bidaia internazionalak ustiatzea zaildu egin zela. Europar Batasunak burdinbide sareen integrazioa eta liberalizazioa sustatzearen ondorioz, 1991ean 91/440/CEE Zuzentaraua onartu zen, zeinak aipatzen duen europar burdinbide nazionalen azpiegituren kudeaketa eta tren ustiapena bereizi behar direla,[4] aire eta errepide bidezko garraioetan gertatzen den bezala. Bereizketa honek ahalbidetuko luke eragile internazional batek bere zerbitzuak eskaini ahal izatea.

Zuzentarau hau eta gerokoak Trenbide Sektorearen 39/2003 Legean batzen dira, 2003ko azaroaren 17an onartutakoa. Lege honek adierazten duenez, Espainiako kasuan bereizketa bi enpresa ezberdinetan banatzean datza. Banaketa 2005eko urtarrilaren 5ean sartu zen indarrean, RENFE enpresa desagertarazi zela.

Renfe Operadorak RENFEtik jaso zituen tren guztiak, mantenimendu tailerrak eta trenak eragiten dituzten eta mantentzen dituzten langileak. Bestalde, azpiegiturak eta txartel salmentak Adifen esku gelditu ziren.

2012an zabalera estuko burdinbideak kudeatzen zituen FEVE espainiar enpresa publikoa Renfe Operadoraren barne gelditu zen, aurreko enpresa desagertuz. Urte horretako abenduaren 31n Renfe Operadorak FEVE sareko ustiapena bere gain hartu zuen, eta Adifek bere azpiegitura.[5] Hala, Renfe Feve marka komertziala jaio zen.

2014ko abenduaren 25ean jakin zenez, greba deitu zuten Renfen eta Adifen abenduaren 26rako eta 23 orduko lanuztea izango zen (00:00etatik 23:00etara). 262 tren-zerbitzuetan izango zuen eragina[6]. Grebak eragozpen txikiak sortu zituen Hego Euskal Herrian[7]. Renfeko grebaren jarraipenaren datu kontrajarriak eman zituzten. Tren konpainiaren arabera, langileen % 0,75ek egin zuten greba; CGT sindikatuaren esanetan, ordea, % 70koa izan zen jarraipena[8].

Enpresaren egituraketa

Hasiera batean Renfe Operadorak RENFEren kudeaketa eredua bereganatu zuen, garaiko Negozio Unitateak (UN) hartuz eta horietaz arduratuz: Aldiriak, Eskualdekoak, Linea Handiak, Abiadura Handia, Zamak eta Trenen Mantenu Integrala. 2006ko urtarrilean Renfe Operadorak barne berregituraketa handia jasan zuen, aktibitate-atalak bilduz. Gaur egun lau ataletan banatzen da:

  • Aldirien eta Distantzia Ertaineko Zerbitzu Publikoen Zuzendaritza Orokorra
  • Distantzia Luzeko Zerbitzuen Zuzendaritza Orokorra
  • Zama eta Logistika Zerbitzuen Zuzendaritza Orokorra
  • Ekoizpen eta Mantenimendu Zuzendaritza Orokorra (Renfe Integria)

Tren zerbitzuak

Espainiako burdinbideen sarea.
AVE tren bateko sukaldaritza.
Tren bateko kotxe-kafetegia.

Renfe Operadoraren distantzia erdiko eta distantzia luzeko zerbitzuen artean erabateko bereizketa egon da betidanik. Azken urteotan, baina, bereizketa hori malgutzen hasi da, eta gaur egun distantzia erdiko eta luzeen trenen arteko loturak nabarmentzen hasi dira, eta baita distantzia luzeko trenak zeinetan distantzia erdiko bidaiariak onartzen diren.

Distantzia Luzea

Distantzia Luzeko lineak dirulaguntzarik jasotzen ez dituzten zerbitzuak dira, hiri-artekoak eta orokorrean tren barruko zerbitzuak eskaintzen dituztenak, hala nola kafetegia, sukaldaritza, musika eta pelikulak... Honen barruan zerbitzu ezberdinak daude, tren mota eta eskainitako ezaugarrien araberakoak direnak.

Abiadura handiko zerbitzuak hurrengoak dira:

  • AVE: Distantzia luzeko abiadura handiko zerbitzua. Trenek 310 km/h-ko abiadura maximoak har ditzakete eta ibilbide osoa egiten dute abiadura handiko trenbideetatik.
  • Alvia: Zatika abiadura handiko trenbideetatik eta ohiko trenbideetatik ibiltzen diren tren zerbitzuak dira. Tren aldaketak egiteko zabalera trukagailuak erabiltzen dira. Trenek 250 km/h-ko abiadura maximoak hartzen dituzte.
  • Altaria: Zatika abiadura handiko trenbideetatik ibil daitekeen Talgo trenez osatutako zerbitzua da. Trenek 200 km/h-ko abiadura maximoak har ditzakete.

Zabalera trukagailurik erabiltzen ez dituzten zerbitzuak, ohiko trenbideetatik ibiliz eta 200 km/h-ko abiadurak har ditzaketenak, hurrengoak dira:

Gainera, gaueko zerbitzuak ere eskaintzen dira, 200 km/h-ko abiadura maximoak har ditzaketenak:

Distantzia Ertaina

Sakontzeko, irakurri: «Renfe Distantzia Ertaina»
  • Avant: Abiadura handiko lineetatik ibiltzen diren distantzia ertaineko trenak.
  • Regional: Egindako ibilbideko geltoki guztietan edo gehienetan gelditzen diren zerbitzuak.
  • Regional Exprés: Ohiko Regional zerbitzuek baino geldialdi gutxiago egiten dituztenak dira, gehienez 100 km-ko 3 geldialdi egiten dituztelarik.
  • TRD (Tren Regional Diésel): Elektrifikatu gabeko trenbideetan kalitate altuko zerbitzuak.
  • MD (Media Distancia): Renferen S-449 eta S-599 serie berridun trenekin zerbitzatutakoak.
  • Intercity: Distantzia ertaineko sarearen barruan distantzia luzeko ibilbideak egiten dituzten zerbitzuak.

Aldiriak

Erreferentziak

  1. ↑ Renfe Operadora. «Informe Económico y de Actividad 2012» (Noiz kontsultatua: 2014-06-30).
  2. ↑ Renfe Operadora. «Informe Económico y de Actividad 2012» (Noiz kontsultatua: 2014-06-30).
  3. ↑ Trenbide Sektorearen Legea
  4. ↑ Estatuko Aldizkari Ofiziala. «Trenbide Sektorearen Legea» (Noiz kontsultatua: 2014-06-27).
  5. ↑ RTVE. «Deja de existir FEVE, cuyo patrimonio de bienes y servicios se repartirá entre Renfe y Adif» (Noiz kontsultatua: 2014-06-27).
  6. ↑ «Greba deitu dute Renfen eta Adifen abenduaren 26rako», EiTB, 2014-12-25
  7. ↑ «Renferen eta Feveren grebak eragozpen txikiak eragin ditu Hego Euskal Herrian», Berria, 2014-12-27
  8. ↑ «Renfeko grebaren jarraipenaren datu kontrajarriak eman dituzte», EiTB, 2014-12-25

Kanpo loturak

Wikimedia Commonsen badira fitxategi gehiago, gai hau dutenak: Renfe Operadora Aldatu lotura Wikidatan
"https://eu.wikipedia.org/w/index.php?title=Renfe_Operadora&oldid=6435091"(e)tik eskuratuta