Kadaguako korridorea

Kadaguako korridorea edo  BI-636  Bilbo eta Gueñes lotzen duen errepidea da, bere ibilbidearen %65a autobia dena. Lehendabiziko sei kilometrotan zirkulazio norabide bakoitzak errei bi ditu eta abiadura orduko 80 kilometrokoa da, gero 120 kilometrokoa izango dena. Bestea errei bakanako errepidea da Gueñes, Balmaseda eta Burgosko probintziako muga artean, abiadura orduko 90 kilometrokoa duena.

Historia

1987an, Bizkaiko Foru Aldundiak Balmaseda eta Zalla arteko lehendabiziko tarteunea lizitatu zuen. Herri hauetan ez irteteko saihesbidea zen, orduan C-6318 eta oraingo CL-629 den errepidean. Bilbo partetik Sodupe eta Alonsotegi inguruan hasi zen. Orduan ez zuen BI-636 izena, baizik eta C-6318.

1992an Bilbo eta Kastrexana arteko tarteunea lizitatu zen, Kadaguako korridoreko lehendabiziko tarteunea zena. 1995ean bukatu zuten A-8ko 120 irteeran hasten den tarteune hau.

1997 eta 1999 artean Sodupe eta Zalla arteko tarteunea eraiki zen, 1987an eraikitako tarteunearekin lotuko zuena.

2000ean azken tarteunea egiten hasi zen, Kastrexana eta Sodupe artekoa. Bi alditan egin zuten: alde batetik Kastrexana eta Arbuio artekoa 2005eko udaberrian ireki zen, Alonsotegin bizi ziren mesederako eguneko herritik pasatzen ziren 10.000 ibilgailuek alde egin zuten eta. Bestetik, Arbuio eta Sodupe artekoa 2008ko martxoan ireki zuten.

Era berean, antzinako BI-636, Kadagua ibaia ingurutik zihoana, BI-3651 berria da eta BI-636 berria autobia da.

Artikulu hau zirriborroa da. Wikipedia lagun dezakezu edukia osatuz.