Sketch

Sketch ingelesezko antzerki munduko hitza da. Eszena laburra eta irrigarria adierazteko erabiltzen da. Minutu batetik hamar minutuetako luzera izan dezake. Normalean aktoreek antzeten dute eta hedabide desberdinetatik zabaldu daiteke: antzokian, irratian, telebistan, zineman, interneten. Batzutan sketch bat inprobisatua izan daiteke.

Etimologia

Hitza ingelesetik dator, "eszena laburra, normalean komikoa", baina bere ibilbidea luzea izan da. Hizkuntza horretan lehenengo aldiz 1665-1668 urtean aurkitzen da. Aurretik, nederlanderan "scheets" aurkitzen da. Herbehereetarrek italieratik hartu zuten, "schizzo" edo "zirriborroa". "Schizzo" latinetik dator, "schedius" edo "azkar egindakoa". Erromatarrek, bestetik, mailegua grezieratik hartu zuten, "σχεδιοζ" (schédios) edo "azkar egindako lana".

Historia

Antzinatik, bi pertsonaien arteko elkarrizketa umoretsuak ohikoak izan ziren. Baina sketchek, gaur ezagutzen ditugun moduan, vaudevilletan eta music halletan dute haien jatorria. Ikuskizun horietan, hasieran tarteetan, une komiko laburrak sartzen ziren. Denborarekin sketchez osatutako saioak egin ziren eta antzokietatik lehendabizi irratira eta, ondoren, telebistara igaro ziren. Hasiera batean sketcheak independeteak ziren haien artean. Gaur egun ohikoa da guztiak gai baten inguruan antolatzea; batzutan ere pertsonaiak errepikatzen dira.

Munduko adibideak

Hona hemen telebistako munduko sketchak eskaintzen dituzten telebista saioak:

• AEB Brusier
• Mexiko Chespirito 1971-1973
• Espainia Escenas de matrimonio
• Portugal Gato fedorento
• AEB Harry Enfield and Chums
• AEB Inside Amy Schumer
• Txile Jappening con ja
• AEB Key & Pelee
• Txile Morandé con compañía
• AEB Out of the Trees
• AEB Sesame Street
• AEB Portlandia
• AEB Saturday Night Live
• Espainia El intermedio

Euskal Herrian

Gurean ere horrelako saioak egin izan dira:

• Vaya semanita
• Wazemank
• Funtzioa

Kanpo loturak

• Munduko 50 sketch onenak.