Murgia

Murgia
Euskal Herria
Murgiko erdigunea
Kokapena
Herrialdea	Araba
Udalerria	Zuia
Administrazioa
Posta kodea
Geografia
Koordenatuak	42°57′25″N 2°49′15″W
Demografia

Murgia Arabako iparraldean dagoen herria da, Zuiako Kuadrillan kokatua. Gainera, Zuiako udalerria eratzen duten herrietariko bat da. Udalerriko herririk handiena da, eta han daude kokaturik udaletxea eta zerbitzu gehienak.

Murgia hiribildua izan zen. Historikoki, biztanleak bidearen alde bietan kokatuak izan dira Murgian. Gaur egun, ordea, bidea Domingo Sautu kalea da, eta herria asko hedatu da aldeetara. Goba ibaiak Gurutzeko auzoa (El Barrio) eta herrigunea bera bereizten ditu.

2007ko urtarrilaren 1eko erroldaren arabera, auzoak 1.169 biztanle ditu.

Izena

Euskarak inguru horretan izandako eragin sakonaren erakusgarri, gaztelaniaz ere herriaren izenak hiru silaba ditu eta i letra da azentu nagusia daramana.

Murgia izenaren bukaerako -a hori artikulua da. Beraz, Bizkaia izenaren antzera deklinatzekoa dugu: Murgia, Murgian, Murgiaren... baina Murgiko, Murgitik, Murgira...

Mugakideak

Iparraldean Sarria, ipar-ekialdean Zarate, hego-ekialdean Jugo, hego-mendebaldean Bitoriano eta mendebaldean Ametzaga mugakide ditu, denak Zuiako auzoak ere badirenak.

Ondasun nabarmenak

Murgiak XIX. mendeko bukaeratik aurrera eraikitako etxe dotoreak biltzen ditu, herriaren prestigio historikoaren lekukoak direnak,

Erlijio-ondareari dagokionez, Karitateko Ahizpen komentua, Aita Pauldarrena eta Karmeldar Oinutsena aipatzekoak dira.

Azkenik, Murgiko eztiaren museoa nabarmentzekoa da.

Demografia eta biztanleria

Murgiko biztanleria

2000	2001	2002	2003	2004	2005	2006	2007
704	789	875	1.016	1.086	1.113	1.134	1.169

Murgiar ospetsuak

• Luis Alava Sautu (1890-1943), politikaria.
• Mikel Landa, txirrindularia.
• Unai Simon, futbolaria.

Ikus, gainera

• Zuia-Gorbeialdea

Kanpo loturak

• (Gaztelaniaz)Murgia Zuiako udal webgunean

Euskarazko Wikipedian bada atari bat, gai hau duena: Euskal Wikiatlasa