Cassiopeia (konstelazioa)

Cassiopeia
Irudi gehiago
Datuak
Laburdura	Cas
Genitiboa	Cassiopeiae
Sinbologia	Kasiopea, erregina
Eremua	598 gradu karratu (25. maila)
Izar kantitatea (magnitudea < 3)	4
Izarrik distiratsuena	α Cassiopeiae (itxurazko magnitudea 2,23)
Meteoro euria	pertseidak
Konstelazio mugakideak	Camelopardalis, Cepheus, Lacerta (konstelazioa), Andromeda eta Perseus (konstelazioa)
Behaketa
Igoera zuzena	1 h
Deklinazioa	60°
Ikuspen onena 21:00etan (9 PM): Azaroa
+90° eta −20° latitude bitartean ikusgai.

Cassiopeia (Kasiopea) Ipar hemisferioko konstelazio bat da. Ptolomoeoren izar-katalogoan (II. mendekoa) bildutako konstelazioetako bat da. Zeruan erraz ezagutzen da, iparraldeko horizontean, "M" itxurako bost izar distiratsu dituelako (mendebaldetik ekialdera: Beta Cassiopeiae, Alfa Cassiopeiae, Gamma Cassiopeiae, Delta Cassiopeiae eta Epsilon Cassiopeiae).

Kasiopea iparrerantz orientatuta dago. Beraz, Iparrizarra aurkitzeko erabiltzen da latitude epeletan Hartz Handia nabarmen ikusten ez denean.

Ezaugarriak

Izena	Bayer izendapena	Itxurazko magnitudea	Distantzia (argi-urte)	Distantzia (Parsec)
Caph	β Cas	2,28	54,5	17
Schedar	α Cas	2,24	230	70,55
Cih	γ Cas	2,15	610	187
Ruchbab	δ Cas	2,66	100	31
Segin	ε Cas	3,38	445	136

Izar nagusiak

• α Cassiopeiae (Schedar edo Schedir), izar erraldoi laranja, konstelazioko distiratsuena; 2,24ko magnitudea du.

• β Cassiopeiae (Caph), 2,28 magnitudekoa, izar zuri-horia. Izar aldakorra da.

• γ Cassiopeiae] (Tsih), konstelazioko "W"aren erdialdean kokatua. Izar aldakorra da. Intentsitaterik handiena duenean, Schedar baino distiratsuagoa da.

• δ Cassiopeiae] (Ksora edo Ruchbah), izar zuria, bitarra, 2,66ko magnitudekoa.

• ε Cassiopeiae (Segin), erraldoi urdina da, 3,38ko magnitudekoa.

• ζ Cassiopeiae, izar urdin aldakorra, 3,67ko magnitudekoa.

Wikimedia Commonsen badira fitxategi gehiago, gai hau dutenak: Cassiopeia (konstelazioa)