Sektore ekonomiko

Sektore ekonomikoen pisuak irudikatzen dituen diagrama. Ekonomia zenbat eta aberatsago (eskuinerantz), lehen sektoreak (horiz) garrantzi txikiagoa erakusten du, hirugarren sektorea (marroiz) berriz gero eta garrantzitsuagoa da.

Ekonomia hainbat adarretan zatituz, sektore ekonomikoak sortzen dira. Halaber, sektore ekonomikoak hainbat azpisektoretan zatitzen dira. Sektore ekonomikoen zatiketa hainbat eratara egin daiteke, ondoren zehazten denez.

Ekoizpen faseari buruzko sektoreak

• Lehen sektorea: lehengaien erauzketa eta ekoizpen jarduerak barne hartzen ditu.

1. Nekazaritza
2. Abeltzaintza
3. Arrantza
4. Meatzaritza
5. Basogintza

• Bigarren sektorea: lehengaiak eraldatzen dituzten jarduerak dira.

1. Elikagaigintza.
2. Ehungintza
3. Metalaren industria.
4. Industria kimikoa.
5. Sektore teknologikoa.
6. Eraikuntza sektorea.
7. Energia sektorea.
8. Industria sektorea.
9. Burdingintza (burdin mineralaren erauzketa izan ezik).

• Hirugarren sektorea: pertsona eta enpresei egiten zaizkien zerbitzuak barne hartzen ditu.

1. Osasuna
2. Hezkuntza
3. Segurtasuna
4. Garraioa.
5. Komunikazio-zerbitzuak
6. Finantza-zerbitzuak
7. Merkataritza
8. Turismo zerbitzua.

Berrikitan, laugarren sektorea bat eratu da, informazioaren eta ezagutzaren inguruko jarduera ekonomikoak biltzen dituena. Bosgarren sektore bat ere aipatu izan da.

Jean Fourastié eta Colin Clark ekonomialariek diotenez, ekonomien garapenak aldaketa hau dakar: ekonomia tradizionaletan lehen sektorea nagusi izatetik, ekonomia aurreratuetan hirugarren sektorea nagusi izatera.

Jabetzari buruzko sektoreak

• Sektore publikoa
• Sektore pribatua
• Borondatezko sektorea