Mary Shelley's Frankenstein

Txantiloi:Film infotaula automatikoa Mary Shelley's Frankenstein (euskaraz Mary Shelleyren Frankenstein) 1994ko Kenneth Branagh britainiar zinema zuzendari eta aktoreak zuzendu eta antzeztutako beldurrezko drama film bat da. Francis Ford Coppolak ekoiztu zuen. Mary Shelley idazlearen Frankenstein eleberrian oinarritua dago. Robert De Niro, Kenneth Branagh, Tom Hulce, Helena Bonham Carter, Aidan Quinn, Ian Holm, Richard Briers eta John Cleese aktoreek antzeztu zuten.

Makillaje onenaren Oscar Sariaren ziendapena jaso zuen (Daniel Parker, Paul Engelen eta Carol Hemming).

Argumentua

Filma Mary Shelley idazlearen honako hitzekin hasten da:

«

"Geure izatearen beldur misteriotsuekin solastuko zen eta izuikara zoragarria eragingo zuen kontakizun bat pentsatzen jarri nintzen; irakurleak ingurura begiratzean beldur izateko kontakizuna, odola mamitu eta bere bihotz taupadak azkartu zizkiona."

»

1794. urtea da eta Robert Walton kapitainak (Aidan Quinn) Artiko itsasoko uretatik Victor Frankenstein erotua (Kenneth Branagh) erreskatatu du, bere eromenak edonora jarraitzen dion gizona. Frankenstein doktoreak kontakizun izugarri bat aipatuko dio...

Ingolstadt hiriko unibertsitatean (Bavaria, Alemania) Waldman irakasle makurra (John Cleese) ezagutu zuen, honek bizitza eta heriotzaren mugekin esperimentatu zuen. Jada Suitzako sorterrira itzulitza, Victor beragan heriotzari erronka egiteko ezinbesteko obsesioa piztuaraziko zaio, izaki bizidun bat sortzea. Kolerak Geneva hiria zigortzen duen bitartean, Victor bere laborategian gau eta egun sartu, eta handik inoiz irten gabe izaki bitxi eta akasdun bat sortuko du (Robert de Niro).

Aktoreak

• Robert De Niro: Izakia / Soldadu herrena
• Kenneth Branagh: Victor Frankenstein
• Tom Hulce: Henry Clerval
• Helena Bonham Carter: Elizabeth
• Aidan Quinn: Robert Walton kapitaina
• Ian Holm: Frankenstein baroia
• Richard Briers: Aitona
• John Cleese: Waldman irakaslea
• Robert Hardy: Krempe irakaslea
• Cherie Lunghi: Victorren ama
• Celia Imrie: Moritz andrea
• Trevyn McDowell: Justine
• Gerard Horan: Claude
• Mark Hadfield: Felix
• Joanna Roth: Marie

Kanpo loturak

• Mary Shelley's Frankenstein filmaren iragarkia ikusgai. Youtube.com (Ingelesez)
• Mary Shelley's Frankenstein filmaren IMDBko fitxa irakurgai (Ingelesez)