Ajangiz: berrikuspenen arteko aldeak

Koordenatuak: 43°17′59″N 2°40′12″W / 43.2998°N 2.6699°W / 43.2998; -2.6699
Wikipedia, Entziklopedia askea
Ezabatutako edukia Gehitutako edukia
No edit summary
Etiketa: 2017 wikitestu editorearekin
1. lerroa: 1. lerroa:
{{Bizkaiko udalerri infotaula
{{Bizkaiko udalerri infotaula
| izena = Ajangiz
| izena = Ajangiz
| irudia = Iglesia de la Ascensión del Señor de Ajangiz.jpg
| bandera = Ajangizko udal ikurrina.svg
| bandera = Ajangizko udal ikurrina.svg
| armarria = Escudo de Ajangiz.svg
| armarria = Escudo de Ajangiz.svg

17:04, 24 maiatza 2019ko berrikusketa

Ajangiz
 Bizkaia, Euskal Herria
Ajangizko bandera

Ajangizko armarria

Administrazioa
EstatuaEspainia
ErkidegoaEuskal Autonomia Erkidegoa
LurraldeaBizkaia
EskualdeaBusturialdea
Izen ofiziala Ajangiz
AlkateaMikel Ander Zubizarreta González-Rua (EH Bildu)
Posta kodea48320
INE kodea48911
Herritarraajangiztar
Kokapena
Koordenatuak43°17′59″N 2°40′12″W / 43.2998°N 2.6699°W / 43.2998; -2.6699
Map
Azalera7,35 km²
Garaiera21 metro
Distantzia29,7 km Bilbora
Demografia
Biztanleria478 (2023)
−2 (2022)
alt_left 228 (%47,7) (%52,1) 249 alt_right
Dentsitatea65,03 bizt/km²
Hazkundea
(2003-2013)[1]
% 4,65
Zahartze tasa[1]% 19,53
Ugalkortasun tasa[1]‰ 34,09
Ekonomia
Jarduera tasa[1]% 81,36 (2011)
Genero desoreka[1]% -7,59 (2011)
Langabezia erregistratua[1]% 4,99 (2013)
Euskara
Euskaldunak[1]% 85,62 (2010)
Kaleko erabilera [2] (2016)
Etxeko erabilera [3]% 81.53 (2016)
Datu gehigarriak
Webguneahttp://www.ajangiz.net

Ajangiz Bizkaiko Busturialdea eskualdeko udalerria da. 465 biztanle zituen 2016. urtean.

Ajangizko eliza nagusia Mendieta auzoan dago eta Igokundearen eliza deitzen da. Kanpantxu auzoan Donieneko edo San Juan baseliza dago.

Geografia

Inguru naturala eta kokapena

Ajangiz Urdaibaiko Biosfera Erreserbaren erdigunean dago. Kokapen honetatik, eta hamar bat kilometroren barruan, paisaje aberatsak eta askotarikoak aurki daitezke bertan, esate baterako, padurak, Kantaurikoko arteak, barrualdeko landazabal atlantikoa edo Oiz, Sollube eta Illuntzarreko tontorrak.

Ajangizek 7,5 km2. Hona hemen mugak: iparraldean, Arratzu; sartaldean, Gernika-Lumo; hegoaldean, Muxika; eta sortaldean, Mendata. Klima epela du, hegoaldeko haizearen eraginez eta Burgogana mendiari esker (181 m), izan ere, horrek sortaldeko haize hotzetatik babesten du herria. Usagana (136,8 m) eta Gantzabal (99 m) dira herrian dauden beste gainetariko batzuk. Erliebe leunak eta zelai sakon, umel eta emankorrek Ajangiz herri nekazaria izatea eragin dute. Paisajea landa, ortu eta baserri-gune txikiz osotuta dago.

Oka ibaia itsasadar bihurtzen da Ajangizen. Hain zuzen ere, erreka horrek sortu du itsasoarekin bat egitean Urdaibaiko paduraren sedimentazioa. Eskualde guztian bezala, Ajangizen habitat asko eta desberdinak daude, eta dibersidade ekologikoa oso aberatsa da.

Historian barrena, hiru auzunek osotu dute Ajangiz: Mendieta (bertan dago udaletxea Kanpantxu eta Errenteriak. Dena dela, azken hori gaur egun Gernika-Lumoren barruan dago.

Historia

Historiaurrean Urdaibaiko eskualdean giza talde ugari bizi izan ziren, nekazariak eta abeltzainak. Neolitiko aurreratuaren eta Brontze Aroaren (K.a.ko 5.500 eta 2.800 urteen bitartean) artean bizi izan ziren, bertan aurkitutako aztarnategi arkeologiko ugariek erakusten dutenez. Historian barrena Urdaibaiko itsasadarra komunikazio bide garrantzitsua eta oso erabilia izan da, bertatik igaro dira-eta Done Jakue Bidea, Ardaoaren eta Arrainaren Ibilbidea eta Zin-egite Ibilbidea. Ajangizeko bizilagunak herriko landa eta basoen esplotaziotik bizi izan dira. Ibarrean laboreak landatzen ziren, batez ere artoa. Beste alde batetik, basoetatik Gernikako portu txikiko ontzitegietan ontziak egiteko eta herrian zeuden hiru burdinoletarako behar zen egurra ateratzen zuten. Herrian, burdinolez gain, hiru errota ere egon izan dira erreka arroetan.

Ajangizen lehenengo erreferentziak

Ajangizen gainean aurkitu den lehenengo idatzizko erreferentzia Fray Martin de Coscojalesen agiri batean dago. Bertan, ondoko hau aitatzen du: “Señor de las Asturias Altas de Oviedo, que, huyendo del Rey de Asturias, se acogió en Vizcaya, y su hijo fundó la casa de su nombre en Axangiz (788)”. Hurrengo erreferentziak Erdi Aroko alderdi gerrekin daude lotuta.

Ajangizko “Ledania”

XVI. mendearen erdialdean, Gernikako Batzarretan boto eskubidea zuten elizateen zerrenda itxi zenean, Ajangizek eskubide osoz hamaikagarren postua bete zuen, baina estatus juridiko bereziarekin: “ledania” zen. Antolaketa modu hau kasu bakarra da, eta Erdi Arotik Antxinako Erregimenaren amaierara arte iraun zuen, harik eta Ajangiz elizate bihurtu zen arte. Parrokia 1844an amaitu zen, baina ordura arteko urteetan Jaunaren Igokundearen ermita zaharrak eliza funtzioa bete zuen, parrokiako liburuak kontrolatuz.

Desanexioa

1943an Ajangizko Eleizatea derrigorrez anexionau zuten Gernika-Lumora. Gero, 1991ean independentzia lortu zuen, baina Errenteriako auzunea kanpoan gelditu zen. Gaur egun, Mendieta eta Kanpantxu auzuneek osotzen dute Ajangiz.

Natura

Ajangizen nagusi dan paisajea (eta Ajangiz, gainera, paisaje horren erakusgarri bikaina da) landazabal atlantikoa da. Bertan, baso masa txikiak, zelaiak, belardiak eta labrantzarako lursailak daude uztartuta.

Faunari dagokionez, aipatzeko modukoak dira, beste animalia batzuen artean, ugaztun txikiak: satitsuak edo lursagu gorria, adibidez. Musker eta sugelandara espezie asko be badagoz.

Demografia

1943. eta 1991. urtean Ajangizko biztanleak Gernika-Lumokoekin batera zenbatu ziren.

Ajangizko biztanleria

Euskara

Ajangizko Miren Odriozolaren[4][5] pasartea (Ahotsak[6] proiekturako).

Biztanle gehienak euskaldunak dira Ajangiz herrian (%92). Bertako euskara mendebaldeko hizkeraren barne kokatzen den Busturialdeko euskara[7][8] da. Besteak beste, Ea, Gernika-Lumo, Bermeo, Elantxobe, Ibarrangelu, Kortezubi... ere kokatzen dira euskara honen barnean. Euskara gaitasun altua dela eta,herria UEMAko mankomunitatean sartuta dago.

Politika

2015eko maiatzaren 24ko hauteskundeetako emaitzen ondorioz Mikel Ander Zubizarreta Gonzalez-Rua (EH Bildu) da Ajangizko alkatea, aurreko agintaldiko alkatetza berrituta. Zubizarretak alkatetza berritu zuen bere taldearen baiezko botoei esker, gehiengo osoaz.

Ajangizko udalbatza

Alderdia

2015eko maiatzaren 24a

2011ko maiatzaren 22a

Zinegotziak Boto kopurua Zinegotziak Boto kopurua
Euskal Herria Bildu (EH BILDU)*
5 / 7
209 (% 71,33)
5 / 7
208 (% 69,10)
Euzko Alderdi Jeltzalea (EAJ-PNV)
2 / 7
84 (% 28,67)
2 / 7
93 (% 30,90)
* 2011n Bildu koalizioa aurkeztu zen.
Datuen iturria: Udal hauteskundeen emaitzak euskadi.eus webgunean

Ondare erlijiosoa

Jaunaren Igokundearen eleizea

Jaunaren Igokundearen eleizea.

Eleiza hau basilika erako eraikina da, estilo neoklasikoan egina, eta dago lehenago izen bereko ermita bat zegoen lekuan. Eskualdeko beste udalerri batzuen aldean, Ajangizek ez zuen parrokiarik izan XIX. mende amaierara arte. Ajangizko parrokia Mendieta auzoan dago, eta Juan Bautista de Belaunzaranen (Andoain, 1769-1849) obra ospetsua da. Belaunzaran Bizkaiko neoklasikoaren arkitekto esanguratsua izan zen, eta Ajangizeko parrokia Hermenegildo eta Pedro haren semeek amaitu zuten (horiek ere arkitektoak ziren), aita hil ostean. Eleiza neoklasiko honek kupulaz estalitako planta nagusia dauka, eta Belaunzaranen estilo arkitektonikoaren ezaugarri zire kanonak ditu. Belaunzaranek berak egin zuen elizaren inguruko urbanizazio lana, alboko landa-etxea eta udaletxea bereak dira.

Lemandaroko San Juan baseliza

Lemandaroko San Juan da, Kanpantxuko auzunean, herrian ondoen jagonda dagoen ermita, herriko bizilagunek auzolanean egindako zaharberritze lanei esker. Gaur egun San Juan izena dauka, nahiz eta lehenago San Martin izan. Eleizkizunak San Juan Bataiatzailearen egunean egiten dira. Ajangizek bost ermita izan zituen, baina horietariko batzuk, edo desagertu egin dira, edo txarto zainduak daude.

Ondare zibila

Mentzeta Dorrea

Dorreak ohiko eraikinak dira Erdi Aroko alderdien arteko gerra garaian. Behe Erdi Aroan eraiki ziren, XIII. eta XIV. mendeen artean. Ez dira eraikin militarrak, bizilekua eta zentro ekonomikoa ere badira-eta. Ajangizeko Dorrea Mentzeta familiarena izan zen. Kanpantxu auzunean dago, eta hau da jausi barik dagoen bakarra. Fatxada harlanduzkoa da eta leiho eta ate dintelduak dauzka.

Aristieta Jauregia

Jauregi barrokoa da, Olaeta-Aristieta familiak XVII. mendean egindakoa. Hain zuzen ere, familia horretako bi seme Bizkaiko Jaurerriko ahaldun nagusi izatera heldu ziren. Kanpantxun dagoan eraikin eder eta handi hori, gerora, baserri bihurtu zen eta gaur egun landetxe bat eta nekazaritza ekologikoko zentro bat daude bertan.

Abadetxea

Mendieta auzunean dago, eta 1822koa da. Juan Bautista Belaunzaran arkitektoak egin zuen, Jaunaren Igokundearen eleizearen egileak. Hain zuzen ere, eliza horrekin batera, XIX. mendean eraikitako gune urbanistiko neoklasikoa osotzen du. Orain dela gutxi, Udalak Abadetxea erosi du eta konpontzen dabil, Kultur Etxea izan dadin.

Ajangizko baserriak

Baserria herri eraikin bat da, eta egokituta dago nekazaritza eta abelazkuntzarako. Herri arkitektura mota horrek erakusgarri interesgarriak dauzka Ajangizen. Zaharrenak XVII. mendekoak dira (adibidez, Auzokoa baserria) eta horietan nabarmentzekoa da zutabe egitura, harri gainean eusten dena. Horien eredu bezala, adibidez, Enbeita baserria dago, Kanpantxu auzunean.

XVIII. mendearen erdialdera, egurrezko egituraren ordez, harria erabiltzen hasi ziren etxea eusteko elementu bezala; aldaketa horri esker, eraikina sendoagoa zenez, leihoak handitu egin ziren eta, horrela, argi gehiago sartzen zen etxean. Kasu honetan, nabarmentzekoa da Ispizua Aurrekoa baserria.

Sartzola baserrian, inguruan gelditzen diren garai bakanetariko baten pilareak ikus daitezke.

Ondare industriala

Goikoerrota burdinola eta errota

Berrekondo errekaren bazterrean daude Goikoerrota burdinola eta errota. Goikoerrotak presa bitatik hartzen zuen ura, hainbat errekatako emariak batzen zituztenak. Burdinola ohiak, era berean, orain dela gutxira arte, zentral elektriko txiki bezala funtzionatu zuen, Gernika-Lumorako elektrizitatea sortzeko.

Ajangizen, Goikoerrotaz gain, beste bi errota egon ziren: Bekoerrota, aurrekoaren ondoan, eta Errotabarri.

Jaiak

• Asentzioak: Ajangizeko jairik nagusia da. Jaunaren Igokundearen egunean ospatzen da, Eguen Santu ostean berrogei egun igaro eta gero datorren lehenengo eguenean.

Maiatzaren 15a: San Isidro eguna. Baserri giroko herririk gehienetan bezala, nekazarien zaindariaren eguna Ajangizen ere ospatzen da.

Ekainaren 24a: Sanjuanak, San Juan Bataiatzailearen egunean, Lemandaroko San Juan ermitan, Kanpantxun.

Ikus, gainera

Wikimedia Commonsen badira fitxategi gehiago, gai hau dutenak: Ajangiz Aldatu lotura Wikidatan
Euskarazko Wikipedian bada atari bat, gai hau duena:
Euskal Wikiatlasa
  1. a b c d e f g Euskal Herriari Begira. Udalbiltza.
  2. «Kaleko erabilera herrialdez herrialde» Euskararen erabilera (Wikipedia).
  3. «Etxeko erabilera» Euskararen erabilera (Wikipedia).
  4. «Odriozola Jaio, Miren - Ahotsak.eus» ahotsak.eus (Noiz kontsultatua: 2018-11-28).
  5. «"Ya no se existen Mirenes" - Ahotsak.eus» ahotsak.eus (Noiz kontsultatua: 2018-11-28).
  6. «Ahotsak.eus, Euskal Herriko hizkerak eta ahozko ondarea» www.ahotsak.eus (Noiz kontsultatua: 2018-11-28).
  7. «Busturialdekoa - Ahotsak.eus» ahotsak.eus (Noiz kontsultatua: 2018-06-19).
  8. «Ajangiz - Ahotsak.eus» ahotsak.eus (Noiz kontsultatua: 2018-06-19).