Mutriku Arraun Taldea

Mutriku Arraun Taldea
Sorrera	1980
Herria	Mutriku, Gipuzkoa
Lehendakaria	Gerardo Graña
Entrenatzailea	Mikel Goenaga
Patroia(k)	Alex Arribas
Kolorea(k)	berdea
Trainerua	Mutriku
Palmaresa	0 Kontxako Bandera 0 TKE Liga 0 Espainiako Txapelketa 0 Euskadiko Txapelketa
2023	10.a (KAE 2 Ligan)
Webgunea	www.facebook.com

Mutriku 2018ko Kontxako sailkapen estropadan.

Mutriku Arraun Taldea Gipuzkoako Mutriku herriko arraun elkartea da.

Historia

1980an sortu zen eta batez ere batel eta trainerillatan aritu izan da. Piraguismoaren atala ere badu.

2000 urtean trainerua ateratzea lortu zuen. Debuta Kilometroak Banderan egin zuen eta denboraldian guztira 18 estropada jokatu zituzten, emaitzarik onena Colindresko Banderako 4. postua izan zelarik. B Ligan sartuta zeuden eta hamasei trainerutatik 12. postuan gelditu ziren. 2001ean ere 18 estropada jokatu zituzten eta emaitzarik onena Suancesko hirugarren postua izan zen. Kantabria eta Euskal Herriko 31 traineruak Liga berean aritu ziren urte honetan eta Mutriku 27. izan zen.

Hurrengo urteetan bateletan eta trainerilletan aritu zen. 2010ean Gipuzkoako batel liga irabazi eta ia bateleko estropada guztiak irabazi zituzten. 2017an trainerua osatu zuen berriz eta denboraldi-aurreko estropada batzuk jokatu ditu eta uztailaren 8an historiako lehen bandera eskuratu zuen trainerutan, KAE 2 Ligako Donostiarra Bandera. Azkenean 10. postua lortu zuen Ligan.

Patroiak

• Gerardo Zelaia (2000-01)
• Anaitz Artime (2009-2011)
• Aiert Elezgarai, Unai Iriondo (2013-...)
• Josu Galindo, Jenaro Zelaia (2017-2018)
• Alex Arribas (2019- )

Palmaresa

• Donostiarraren KAE 2 Bandera (1): 2017.

Azken denboraldiak

Urtea	Liga	Kontxa
2017	KAE 2 Liga, 10.a	-
2018	KAE 2 Liga, 8.a	-
2019	KAE 2 Liga, 10.a

Mutrikuko bandera

Mutrikuko Arraun Taldeak herriko bandera antolatzen du, 2000 urteaz geroztik, nahiz eta promoziozko estropadekin 1994ean hasi zen.