Geroa Bai

Geroa Bai
Fitxategi:Geroa Bai logo.jpg
Buruzagia	Uxue Barkos
Sorrera	2011
Egoitza nagusia	Erriberri kalea, 42 - 31002 Iruñea
Ideologia politikoa	Aurrerakoitasuna, abertzaletasuna, euskaltzaletasuna, nabarrismoa eta baskismoa
Kideak	EAJ Atarrabia Taldea Zabaltzen
Eserlekuak erakundeetan	Nafarroako Parlamentuan 9 / 50 Zinegotziak Nafarroan 59 / 1.889
www.geroabai.com

Geroa Bai EAJ alderdiak, Zabaltzen elkarteak eta Atarrabia Taldeak Nafarroa Garaian sortutako koalizio politikoa da. 2011ko irailaren 30ean aurkeztu zuten, Iruñean. Koalizioaren sorrera Nafarroa Bai koalizioan geratu ziren eragileek sustatu zuten, Batzarre, lehenik, eta Eusko Alkartasuna zein Aralar, ondoren, aurreko koalizio hartatik kanpo geratu ostean.

Geroa Bai 2011ko Espainiako hauteskunde orokorretan aurkeztu zen Nafarroako Foru Erkidegoan, eta 42.411 boto eskuratu zituen (botoen % 12,84). Emaitza honen ondorioz, Uxue Barkosek eserleku bat eskuratu zuen Espainiako Diputatuen Kongresuan.

2014ko azaroaren 16an, Uxue Barkos eta Itziar Gomez hautagaiak aurkeztu zituen alderdiak. 2015eko Nafarroako Parlamenturako hauteskundetan bigarren indarra bilakatu zen Nafarroako Parlamentuan, 9 eserleku lortu ondoren.

2017ko uztail erdialdean, Espainiako Kontuen Auzitegiak, lehenago hainbat epaitegik ere hala baieztatuta, baztertu egin zuen Uxue Barkos alderdiko buruzagiaren kontra Iustitia et Veritas elkarteak jarritako arauz kanpoko kobrantzen salaketa, alderdiak hasieratik hori faltsukeria zela argudiatu zuen bezala. Alderdiak gezurrezko salaketen bidez Barkosen jarduera 'zikintzea' leporatu zion UPNri, "dietak bidezkoak izanik ere". Egun batzuk lehenago, Mayor Orejak (Geroa Bai buru duen) Nafarroako Gobernuaren "zati bat ETArena" dela adierazi zuen, eta alderdiak gogor gaitzetsi zuen PPko politikaria, baita gobernu horren kontra etengabeko gezurretan aritzea leporatu ere.

Hauteskundeetako emaitzak

Nafarroako Parlamentua

1.49

Data	Botoak			Aulkiak		Egoera	Postua
	#	%	±ep	#	±
2015	53,497	%15.83	+0.43a	9 / 50	1a (7b)	Gobernua	2.a
2019	60,323	%17.32
9 / 50		Gobernua	3.a

^a 2011n Nafarroa Bai 2011k lortutako emaitzekin alderatuta, Aralar barne zuelarik.
^b 2011-2015 legealdian EAJ eta Zabaltzen taldeak zituzten eserlekuekin alderatuta.

Espainiako Gorte Nagusiak

Nafarroa

Diputatuen Kongresua Data Botoak Aulkiak Egoera Postua # % ±ep # ± 2011 42,415 %12.8 –5.6 1 / 5 0 Oposizioa 4.a 2015 30,642 %8.7 –4.1 0 / 5 1 5.a 2016 14,343 %4.3 –4.4 0 / 5 0 6.a 2019 22,150 %6.06 +1.76 0 / 5 0 5.a

Senatua Data Aulkiak Postua # ± 2011 0 / 4 0 4.a 2015 1 / 4 1 2.a* 2016 0 / 4 1 6.a 2019 0 / 4 0 3.a*

• * Cambio-Aldaketa hautagaitzan (2015ean laugarren senataria, bigarren indarra UPN-PPren atzetik, eta 2019an hirugarren indarra senataririk gabe).

Ikus, gainera

• Nafarroa Bai