ABBA

ABBA
ABBA 1974an (ezker-eskuin Benny Andersson, Anni-Frid Lyngstad, Agnetha Fältskog, Björn Ulvaeus)
Datuak
Jatorria	Stockholm, Suedia
Musika mota	Pop rock, Euro disco, Europop, Schlager, Dance, Glam rock
Urteak	1972–1982
Produkzioa
Diskoetxea(k)	Polar, Polydor, Atlantic, Universal, Epic, Vogue, RCA, PolyGram, Sunshine (Rhodesia-Zimbabwe), Ariston/Dig It (Italia)
Managerra	Stig Anderson
Taldekideak
Benny Andersson, Anni-Frid Lyngstad, Agnetha Fältskog, Björn Ulvaeus
Sariak
Jasotako sariak	ikusi [[Rockbjörnen for the century's Swedish group/artist (en) ]] : [[Aftonbladet (en) ]]  (1999) Rock and Roll Hall of Fame  (2010) [[Musikexportpriset (en) ]]  (2021)
Nominazioak	ikusi [[Brit Award for International Album (en) ]] (1977) : [[Arrival]]
Informazio gehigarria
www.abbasite.com

ABBA Suediako musika talde entzutetsu bat izan zen, batez ere pop musikan aritu zena. 1972an hasi eta hamar urtez hainbat disko arrakastatsu argitaratu ondoren, 1982ko abenduan amaitu zuen bere ibilbidea. 1974an Eurovision Abesti Lehiaketa irabazi zuten.

Taldekideak lau ziren, bi emakume eta bi gizon: Benny Andersson, Anni-Frid Lyngstad, Agnetha Fältskog eta Björn Ulvaeus.

ABBAren musika pop estilokoa zen, doinu itsaskorrekin, letra errazekin eta beren estilo propioarekin, nesken ahots harmonikoez osatua. Bi bikoteak banatzean, musika estilo desberdina erabili zuten eta letra sakonagoak idatzi zituzten.

Ibilbidea

ABBA Suediar pop musika talde bat izan zen Benny Andersson, Anni-Frid «Frida» Lyngstad, Björn Ulvaeus eta Agnetha Fältskog-ez osatua. Taldearen izena izen bakoitzaren lehenengo letraz dago osatua (Agnetha, Björn, Benny, Anni-Frid). Laukote hau 1972an sortu zen Stockholmen, baina 1974 ko Eurovision Abesti Lehiaketan Waterloo kantuarekin izan zuten arrakastari esker hasi zen taldea famatua egiten . Handik aurrera nazioarteko arrakasta lortu zuten melodia gogoraerrazekin, letra simpleekin eta beren berezko soinuarekin, emakumeen ahots harmoniak eta wall of sound-a ( Phil Sektor produktoreak sorturiko musika efektua ) ezaugarri zituztela. Bjorn eta Agnetha taldearen eraketa baino lehen ezkondu ziren; Benny eta Frida, ordea, 1978an ezkondu ziren, laurak, abeslariak ziren bitartean beraien familiez ere arduratzen ziren. Grabazioek eragin izugarria izan zuten musika merkatuan eta beraien diskoetxeko - Universal Music Group - artista arrakastatsuenetako batean bihurtu ziren. 70.hamarkadan album gehien saldu zituen taldea izan zen.

ABBA lehenengo pop talde europarra izan zen europatik at ingelesa hitz egiten zen herrialdeetan arrakasta lortu zuena, batez ere Australia, Zeelanda Berria, Hego Afrika, Canada eta neurri gutxiagoan Estatu Batuetan. Hala eta guztiz ere, ospe gehien zuten unean, bi bikoteak banatu egin ziren, eta aldaketa horiek beren musika estiloan islatu ziren, letra sakonagoak eta musika estilo desberdinak sortuz. Taldea gainbeheran hasi zen, salmentak behera zihoazen,eta lau taldekideek bakoitzak bere bidea hartzea erabaki zuten.Horrela,1982ko abenduan taldekideek ABBA talde modura beren azken agerpena egin zuten.

Denboraldi batean zehar arrakastarik gabe egon ziren, baina bilduma erako albumei esker arrakasta berreskuratu zuten, eta gaur egun, ABBA munduko talderik ezagunenetarikoa da, 180 eta 400 milioi-ko salmentekin urtean. Hainbat artistek beren musika interpretatu dute eta Mamma Mia musikala ere egin dute. Talde hau, beren jatorrizko herrialdean ikono bat bihurtu da, eta bere ospeak Europako beste hainbat artistei ateak ireki dizkie. 2010ean rock n roll -eko fama hall-ean sartu ziren.

Osaketa baino lehen

Fridak Björn 1963an ezagutu zuen, talentu lehiaketa batean, eta Agnetha berriz, telebista saio batean 1968.urte hasieran. 1969ko Martxoan, Agnethak Björn ezagutu zuen eta berriz elkartu ziren telebista saio batean; beranduago bikote bihurtu ziren. Urte hartako maiatzaren 1ean, Fridak 1969 ko Melodifestivalen-en parte hartu zuen, bertan Benny ezagutuz. Aste batzuk geroago kontzertu batean berriz elkartu ziren, laster ezkon-hitza emanez, baina 1978.urtera arte ez ziren ezkondu. The Hep Stars eta The Hotennany Singers-ak desegin egin ziren 1960.hamarkadaren amaieran;Benny lehengoko taldekidea zen eta Björn berriz bigarrenekoa. Beraz, Björn eta Benny elkarrekin bere lehenengo diskoa grabatzen hasi ziren, Lycka izenekoa; bertan urteetan zehar egindako konposizioak zeuden jasota. Album horretan, Agnetha eta Fridak parte hartu zuten abesti batzuei ahotsa jarriz.

1970ko apirilean, laurak Txipren izan ziren oporretan eta dibertsioz, kantatzen hasi ziren. Azkenean entretenimendu modura hasitakoa, aurkezpen inprobisatu batean amaitu zen, ONU-ko soldaduen aurrean. Hori izan zen laster ABBA taldekoak izango ziren kideen lehen aurkezpena. 1970ko irailean kaleratu zen Lycka albuma, baina Björn eta Benny-ren izenean bakarrik. Abian jartzeko, «Det kan ingen doktor hjälpa» eta «Tänk om jorden vore ung» singelak kaleratu ziren, Agnetha eta Fridak abestuak, arrakasta pixka bat lortuz. Azkenik,1970ko azaroaren 1an,laurek Gotemburgon, Festfolk izeneko kabaret ikuskizun bat aurkeztu zuten - Suediar hizkuntzan hitz joko bat da “pertsonen festa” edo “bikote lanpetuak” esan nahi duena. Beste kanta batzuekin batera, laukoteak Björn eta Benny-ren albumeko arrakastak kantatu zituzten. Ikuskizunak ez zuen publikoaren arreta erakarri, eta, Suedian bira labur bat egin ondoren, lauek, berriro beren banakako proiektuetan kontzentratzea erabaki zuten.

Taldearen eraketa (1971 - 1973)

Lycka albuma atera eta geroxeago, Agnethak bere laugarren diskoa atera zuen "När en vacker tanke blir en sång" eta Björn-ekin ezkondu zen 1971ko uztailaren 6ean, Suediako prentsaren ustez «urteko ezkontza» izan zena. Agnetha, Björn eta Benny uda horretan hasi ziren elkarrekin aurkezten, hainbat kontzertu eta telebista programetan batera agertuz. Bitartean, Fridak bere estudioko lehen diskoa, "Frida" izenekoa, kaleratu zuen 1971ko martxoan eta kritika onak lortu zituen. Stig Andersonek esan zuen Benny eta Björn arrakastatsuak bihurtuko zirela: «Noizbait dueto horrek kanta bat idatziko du eta hurrengo arrakasta mundiala bihurtuko da.» iragarri zuen. Stig-ek Benny eta Björn kanta bat idaztera animatu zituen, 1971ko Eurovision Abesti Lehiaketarako, hau da, Melodifestivalen Suediar hautaketarako. Bi kanta proposatu zituzten «Det kan Ingen Doktor Hjälpa» eta «Välkommen Till Världen», baina ez ziren ez bata ez bestea onartuak izan . Benny eta Björn 1972-ko Melodifestivalenera aurkeztu ziren abesti berri batekin «Säg det med en sång» abeslaria Lena Anderson zutela. Kanta hirugarren postuan geratu zen, eta Suedian izugarrizko arrakasta lortuz, Stig Anderson konbentzituta utzi zuten bide honean zihoaztela.

Hala ere, arrakasta internazionalaren lehen seinaleak ezustez iritsi ziren, Björn eta Benny ren abesti sinplea «She is my kind of girl» CBS records-ek erakutsi zuenean Japonian 1972an, bi horiei fama emanez Oricon eko listetan. Japonian argitaratu ziren beste bi single, «Merry-Go-Round» eta «Love Has Its Ways» baina arrakasta errepikatu gabe. Hala ere, «She's My Kind of Girl» en arrakastak Tokyoko Yamaha festibalean Suedia errepresentatzeko aukera segurtatu zien. Urte horretan, azaroan, Björn eta Benny -k Japoniara bidaiatu zuten beren bikoteekin, eta beraiez lagunduta,"Santa Rosa" interpretatu zuten baina abestiak ez zuen saririk lortu.

Lehen arrakasta

Björn eta Benny-k konposizioak egiten jarraitu zuten eta ahots moldaketa eta soinu berriak esperimentatzen. Azkenik, 1972ko martxoaren 29an, taldeko lau kideek «People Need Love» izeneko kanta bat egin zuten,bertan emakumeek gehiago kantatzen zuten, horrela pixkanaka beraien ahotsak garrantzia hartzen joan ziren. Denak soinu berri horrekin entusiasmatu egin ziren eta Stig-ek hori sinple bezala zabaldu zuen 1972an. Kantua listetan 17. izatera iritsi zen. Ameriketan arrakasta izan zuen «people need love» abestiak, baina Stig-en ustez, momentu horretan zuten diskografia txikiegia zen eta ez zeuzkan baliabide adina arrakasta hori zabaltzeko. Berak zioen beste diskografia batekin askoz arrakasta handiagoa lortu izango zutela Ameriketan.

1972ko Apirilaren 30ean lehen aldiz atera zen talde a telebistan vi i femman telesail Suediarren «people need love» abesten. Arrakasta izan zutenez, lauek beraien lehen albuma batera grabatzea erabaki zuten, nahiz eta talde bat osatzea ez izan beraien lehentasuna. Grabaketa saioak 1970 eko irailaren 26ean hasi ziren eta urriak 25 -erako dagoeneko kantu pare batzuk amaituta zituzten. Kantu jakin batek «Nina, Pretty Ballerina» bi neskak zituen protagonista bezala eta bertan bien ahotsen armonia agertzen zen, horrek beren talentuaren kalitatea adierazten zuen. Urrian, «he is your brother»kanta kaleratu zuten, nahiz eta salmenta merkatuan huts egin, lehen postuetan kokatu zen irrati grafikoetan. Agnetha eta Björn-ek beren lehen alaba, linda, izan zuten 1973ko otsailak 23 an. Aurretik, Agnetharen haurdunaldiak hainbat arazo sortu zizkien beraien lehen singelaren aurkezpenetan. Alemania eta Austriako taldearen lehen aurkezpenetan, Agnetha Inger Brundin-engatik (Frida-ren lagun bat) izan zen ordezkatua.

Ring Ring

Grabazio saioak jarraitu bitartean, laukoteko kide batzuk banakako proiektuekin jarraitu zuten.Fridak Stockholmen jarraitu zuen hainbat kabaret ikuskizun eszeniko egiten 1973 arte. Urte horretan bertan, Agnethak Maria Magdalena antzeztu zuen jesukristo superstar musikalean, hainbat kritika on jasotzen. Björn-ek noizean behin The Hootenanny Singers-ekin jarraitu zuen lan egiten 1974-ko uda arte. Stig taldeak - orain bere ordezkaria - erabaki zuen beste saiakera bat egitea Melodifestivalen-erako, oraingoan Ring-Ring kantarekin. Soinu grabazioak Michael B. Tretow ingenieroarekin egin ziren. Honek, aurretik wall of sound-a erabilia zuen, hau izan zen ABBA taldearen musika-ekoizpen teknika karakte ristikoa. Wall of sound-a honetan zetzan: Soinu bat zinta maisu batean grabatu, eta ondoren, zinta horren kopia bat baino gehiago sortuz milisengundo batzuen tarteaz erreproduzitu, beraz, entzuten diren elementu kopurua bikoiztu egiten dira, eta horrela, soinu argiago eta fuerteago bat lortzen da.

Pista eta kanta Suediarrez dagoeneko eginda eta grabatua zegoela, Stig-ek Ingelesezko bertsioa egin zuen Neil Sedaka eta Phil Cody-rekin, horrela garaipena ziurtatuz. 1973-ko Melodifestivalean ordea, Otsailak 10-ean ospatua, taldea hirugarren geratu zen. Emaitza hori izan arren, taldeak bere planak mantendu zituen eta beren lehen diskoa atera zuten, Ring-Ring, bertan iraganeko kanta arrakastatsuak zeuden «People Need Love» eta «He Is Your Brother», «Love Isn't Easy (But is Sure is Hard Enough)» eta«Another Town, Another Train» abesti simpleak bezala. Ring-Ring sinpleak arrakasta handia izan zuen europako hainbat herrialdetan, baina Stig-ek sentitu zuen Ameriketan eta Erresuma Batuan bakarrik izango zela lehen zenbaki bat.

1973ko udaberrian, izen zailez nekatuta, Stig hasi zen publikoan ABBA deitzen taldeari (izena kideen izenen lehenengo letren anakronismo bat da Agnetha, Björn, Benny eta Anni-Frid ). Hasieran ez ziren ziren seriotasunez hartuak izan, ABBA, Suedian itsaski empresa famatu baten izena ere bazelako, baina Stig-ek sinesten zuen internazionalki arrakasta izango zuela izenak. Hala ere, taldearentzako izen egoki bat aurkitzeko lehiaketa bat izango zela esan zuen Gotemburgoko egunkari batek. Taldeak "Baba" eta "Friend and Neighbours’' bezalako izenak jaso zituen, baina azkenean izen guztiak baztertu zituzten, eta udan iragarri zen izen ofiziala ABBA zela. Geroago taldeak itsaski konpainiarekin negoziatu zuen eta taldearen izenaren lehenengo B letra aldrebes jarri zuten 1976-ean, izena beraien logotipo bilakatu zen eta marka erregistratua ere. Izena paperean idatzia izan zen lehengo aldia, Metronome estudioko grabazio saioetan izan zen Estocolmon 1973-ko urriaren 16an. 1973ko udan, ABBA taldeak gira handia hasi zuen folkparks-etatik uztailetik irailera, hirurogei kontzertu baino gehiago egin zituzten leku irekietan. Tour-a egin eta gero beraien bigarren albumean hasi ziren lanean.

Ospearen lorpena (1974 - 1975)

Eurovisionen garaipena

ABBA 1974an

Aurreko urteetan bezala, Björn, Benny eta Stig-ek Melodifestivala eta Eurovisio lehiaketak erabili nahi zituzten taldearen musika negozioa egiteko modu bat bezala. 1973 bukaeran, hirurak Sveriges telebista programan gonbidatuak izan ziren 1974ko Eurovisiorako kantua aukeratzeko. Taldea orain Erresuma batuko glam rock estiloarekin zegoen inpiratua eta Waterloo abestia, Michael B. -ren wall of sound tekinkaz arreglaturikoa, aukeratu zuten. Otsailaren 9an, ABBA-k Melodifestibala irabazi zuen, 302 punturekin, inoiz izandako puntuaziorik handiena lehiaketa horretan. Abesti irabazlea Suediarrez eta ingelesez izan zen kaleratua, Suediako listetan lehenengo postuan jarriz. Martxoan, bigarren diskoa (Waterloo) kaleratu zuten Waterloo abestiarekin eta baita «Honey, honey» eta «Hasta mañana» kantuekin.

1974-ko Apirilak 6ean, Waterloo kantak Suedia irudikatu zuen Eurovisioko XIX edizioan, Brighton domo-an, Erresuma batuan ospatua. Aurkezpenean, ABBA-ko kideek, Svvenkek diseinaturiko jantzi deigarriak zeramatzaten eta Sven-Olof Walldoff orkestrako zuzendaria Napoleon Bonapartez mozorrotu zen. Bozkaketa amaitu eta gero, kanak 24 puntu irabazi zituen ( Italiako abestiak «Si» baino 6 puntu gehiago, Gigliola Cinquetti egina.) Suediari bere lehen garaipena emanez eta ABBA taldeari arrakasta internazionala emanez.

1974 eta 1975 eko birak

1974-ko azaroan beraien lehen gira egin zuten Europatik, gehienbat Alemanian, Danimarkan eta Austrian agertuz; gira hau ez zen oso arrakastatsua izan, Eskandinaviatik kanpora oso ezagunak ez zirelako.1975-eko urtarrilean,ordea, beste tour honen bigarren zatia egin zuten eskandinaviatik, eta gira hau justu kontrakoa izan zen, eta gira honek publikoaren eta prentsaren arreta gehiago erakarri zuen. Laukotea zazpi data ezberdinetan agertu zen eta kontzertuak oso arrakastatsuak izan ziren, Suizako kontzertuarekin amaituz.

Gira eta gero ABBAk hurrengo bi hilabeteak bere hurrengo diskoan lan egiten jardun zuen, ABBA izenekoan, bere hirugarren diskoa zena, eta disko hau 1975-eko apirilean kaleratu zen. Europako hainbat telebista programei esker promozioko kanpaina bat egin eta gero, ABBA beste kontzertu bat emateko prestatu zen. 1975-eko udan hiru astez zehar gira txiki bat egin zuten Suizatik, berez lehengo urterako plana zena, baina betan behera utzi zutela Eurovisioneko arrakastarengatik. Gira honek 500 000 koroa baino gehiago biltzea lortu zuen.

1975eko ekainean, beren abesti “SOS”-ek seigarren postua lortu zuen Erresuma Batuan. Estatu Batuetan, berriz, hamargarren eta hamabostgarren postuetan geratu ziren, eta Mexikon lehenengo postua lortu zuten. 1976ean beren laugarren albumarekin hasi ziren, hau bukatua izango ote zen jakin gabe; gainera, taldekide bakoitzak taldeaz aparte beste proiektu batzuk zituzten.

Australiako harrera=

1975ko abuztuan, ABBAko bideoek interes handia sortu zuten Australian eta Zeelanda Berrian. Herrialde horietan edukitako arrakastak influentzia asko eduki zuen Europako beste diskografiketan. “Mamma Mia” abestia lehenengo postura iritsi zen Erresuma Batuan 1976ko hasieran, eta lehenengo hamar postuetan Europako beste hainbat musika-zerrendetan.

Ospearen gorenean

1976 urtearen hasieran, beste herrialdeetan arrakasta lortzen zuen bitartean, Estatu Batuetan ez zuen hainbesteko arrakasta lortu. Izan ere, ABBAk 1976 urteko zatirik handiena bere album berria lantzen eman zuen.

Bere album berria 1976ko uda baino lehen kaleratzea pentsatua bazuten ere, taldearen etengabeko bidaiek eragotzi egin zuten eta albuma ez zen urrira arte kaleratu. Bere album berriko lehen abestia, “Dancing Queen” Carlos XVI erregearen ezkontzan kaleratu zuten. Abesti hau arrakasta bat izan zen, eta 1976an 3 milioi kopia baino gehiago saldu zituen. “Dancing Queen” ABBA taldearen abestia bihurtu zen.

Europa eta Australiatik bira

1977ko urtarrilean, ABBAko taldekideak famatuak ziren jada mundu osoan. Urte horretan, Arrival diskoa Brit Awards sarietan nominatua izan zen, urteko album internazional onena bezala. Urte gorretan bertan, urtarrilaren 28an, ABBAk Europatik eta Australiatik gira bat egin zuen, beren albumetako abestirik arrakastatsuenak abestuz.

Albuma eta filma

Polar Music konpainiak ABBA: The Movie pelikula kaleratu zuen, ABBAren kontzerua eta bertako xehetasunak kontatuz.

Arrakastaren ondorioak

Beren seigarren albumaren grabaketak luzeagoak eta zailagoak bihurtu ziren, abesti asko oraindik kaleratu gabeak izan zirelako. 1978ko amaierara, Musica para Unicef proiektuan parte hartzeko “Chiquitita” abestia sortu zuten, eta abesti hau hurrengo asteetan kaleratu zen. Taldea jadanik aldatuta zegoen: Benny eta Frida ezkondu egin ziren, eta Agnetha eta Björn dibortziatu. Taldearen seigarren albuma, Voulez-Vous, 1979ko apirilean kaleratu zen, eta albumaren aldi berean, laukoteak “Does your mother know?” abestia kaleratu zuen, beren azken abestia Björn bakarlaria zena, eta Japonen eta Europan oso ezaguna bihurtu zen “Gimme! Gimme! Gimme! (A man after midnight)” abestia. 1979. urtean gira bat egin zuten mundu osotik zehar.

Aurrerapena eta gainbehera (1981 - 1982)

Giratik etorri ondoren kaleratu zuten lehen abestia “The Winner Takes It All”, eta azaroaren amaieran kaleratu zuten beren zazpigarren diskoa, Super Trouper. 1981eko urtarrilean Björn Lena Källersjörekin ezkondu zen. Hala ere, taldean desberdinatsun asko zeuden, eta otsailaren amaieran Frida eta Benny dibortziatu egin ziren. Bennyk beste emakume bat ezagutu zuen, Mona Nörklit eta berarekin ezkonduko zen urte horretako Azaroan.

Apirilaren amaieran, kontzertu txiki bat eman zuten eta beren hurrengo albumean sartuko zituzten beste bi abesti abestu zituzten, “Slipping Through My Fingers” eta “Two For The Price Of One”. Azken abesti bat ere kaleratu zuten Super Trouper albumerako, “Lay All Your Love On Me” izenekoa.

1981eko azaroak ABBAk The Visitors publikatu zuen, bere zortzigarren eta azken albuma. “One Of Us” eta “When All Is Said And Done” abestiak osofamatuak bihurtu ziren, baina ez beren aurreko abestiak bezainbeste. Abesti hauek kaleratu eta gero, bakoitza bere proiektuetan hasi zen: Bennyk bere lehen semea eduki zuen, eta Björnek bere hirugarrena. Frida bere bakarlari diska bat grabatu zuen; eta oso arrakastatsua izan zenez, taldearen banaketari buruz hitz egiten hasi zen jendea. Taldekideek ez zuten elkar ikusi 1982ko maiatza arte.

1982ko maiatzean taldea berriz bildu zen bederatzigarren album bat grabatzeko, baina album hau ez zen osorik grabatu, hiru bat abesti baizik.1982ko azaroaren 19an taldea azken aldiz agertu zen Suediako telebista programa batean. Azkenik, urte berdineko abenduaren 11an deskantsu tenporal bat egingo zutela esan zuten, baina ez ziren gehiago elkartu.

Mamma Mia! filma

Mamma Mia! filmeko aktoreak eta taldekideak 2008an.

Mamma mia! (2008) Phyllida Lloyd-ek zuzendutako eta Meryl Streep aktoresak protagonizatutako filma da. Pelikula ABBA taldearen abestietan dago oinarritua.

Argumentua

Sophie Sheridan (Amanda Seyfried) hogei urteko neska, Greziako uharte batean bizi da bere amarekin (Meryl Streep). Ezkontzeko zorian dago eta bere aita nor den ezagutu nahi du. Beraz, eta bere amak jakin gabe, hiru gizon non bere amak beraiekin abentura bat izan zuen gonbidatzea erabakitzen ditu: Sam Carmichael (Pierce Brosnan), Harry Bright (Colin Firth) eta Bill Anderson (Stellan Skarsgård).

Produkzioa

Eszena gehienak Pinewood estuioetan daude filmaturik, baina batzuk Skópelos eta Skiathos uharte Greziarretan daude filmatuak.

Publizitatea

Playtone eta Universal Studios-ek publizitate kanpaina jarri zuten martxan, bederatzi kartel egin zituzten, zortzi Estatubatuar eta Frantziako bat. Bost trailer kaleratu zituzten, horietako bi forma laburrean eta hiru zinema aretoetan estreinatu zituzten. Horrez gain, filmak lortu zuen ABBA taldeko lau kideak publikoki juntatzea berriz, 20 urte pasa ondoren elkarekin fotografiatuak izan gabe.

Diskografia

Hauek dira kantu famatuenak:

1. Dancing Queen 35.700.000 saldu ziren.

2. Mamma Mia

3. Gimme Gimme Gimme

4. The winner takes it all

5. Waterloo

6. Chiquitita

7. Voulez-vous

8. S.O.S

9. Fernando

10. Lay all your love on me

11. Super trouper

12. Does your mother know

13. Take a chance on me

14. One of us

15. Knowing me, knowing you 770.000 saldu ziren.

ABBA taldeak hamaika album izan ditu

Ring Ring (1973)

1.Ring Ring

2.Another Town, Another Train-Disillusion

3.People Need Love

4.I Saw It In The Mirror

5.Nina, Pretty Ballerina

6.Love Isn’t Easy (But It Sure Is Hard Enough)

7.Me And Bobby And Bobby’s Brother

8.He Is Your Brother

9.She’s My Kind Of Girl

10.I Am Just A Girl

11.Rock’n’Roll Band

Waterloo (1974)

1,Waterloo

2.Sitting In The Palmtree

3.King Kong Song

4.Hasta Mañana

5.My Mama Said

6.Dance (While The Music Still Goes On)

7.Honey, Honey

8.Watch Out

9.What About Livingstone

10.Gonna Sing You My Lovesong

11.Suzy-Hang-Around

ABBA (1975)

1.Mamma Mia

2.Hey, Hey Helen

3.Tropical Loveland

4.SOS 5.Man In The Middle

6.I Do, I Do, I Do, I Do, I Do

7.Bang-A-Boomerang

8.Rock Me

9.Intermezzo No.1

10.I’ve Been Waiting For You

11.So Long

Arrival (1976)

1.When I Kissed The Teacher

2.Dancing Queen

3.My Love, My Life

4.Dum Dum Diddle

5.Knowing Me, Knowing You

6.Money, Money, Money

7.That’s Me

8.Why Did It Have To Be Me

9.Tiger

10.Arrival

ABBA - The Album (1977)

1.Eagle

2.Take A Chance On Me

3.One Man, One Woman

4.The Name Of The Game

5.Move On

6.Hole In Your Soul

7.Thank You For The Music

8.I Wonder (Departure)

10.I’m A Marionette

Voulez-Vous (1979)

1.As Good As New

2.Voulez-Vous

3.I Have A Dream

4.Angeleyes

5.The King Has Lost His Crown

6.Does Your Mother Know

7.If It Wasn’t For The Nights

8.Chiquitita

9.Lovers (Live A Little Longer)

10.Kisses Of Fire

Super Trouper (1980)

1.Super Trouper

2.The Winner Takes It All

3.On And On And On

4.Andante, Andante

5.Me And I

7.Happy New Year

8.Our Last Summer

9.The Piper

10.Lay All Your Love On Me

11.The Way Old Friends Do

The Visitors (1981)

1.The Visitors (Crackin' Up)

2.Head Over Heels

3.When All Is Said And Done

4.Soldiers

5.I Let The Music Speak

6.One Of Us

7.Two For The Price Of One

8.Slipping Through My Fingers

9.Like An Angel Passing Through My Room

ABBA Gold - Greatest Hits (1992)

Taldearen album arrakastatsuena da eta historiako albumik salduenetarikoa, top 30ean sartzen 24.postuan, 375 milioi kopia salmenta baino gehiagorekin.

1.Dancing Queen

2.Knowing Me, Knowing You

3.Take A Chance On Me

4.Mamma Mia

5.Lay All Your Love On Me

6.Super Trouper

7.I Have A Dream

8.The Winner Takes It All

9.Money, Money, Money

10.SOS

11.Chiquitita

12.Fernando

13.Voulez-Vous

14.Gimme! Gimme! Gimme! (A Man After Midnight)

15.Does Your Mother Know

16.One Of Us

17.The Name Of The Game

18.Thank You For The Music

20.Waterloo

More ABBA Gold (1993)

1.Summer Night City

2.Angeleyes

3.The Day Before You Came

4.Eagle 5.I Do, I Do, I Do, I Do, I Do

6.So Long

7.Honey, Honey

8.The Visitors (Crackin` Up)

9.Our Last Summer

10.On And On And On

11.Ring Ring

12.I Wonder (Departure)

13.Lovelight

14.Head Over Heels

15.When I Kissed The Teacher

16.I Am The City

17.Cassandra

18.Under Attack

19.When All Is Said And Done

20.The Way Old Friends Do

ABBA Number Ones (2006)

1.Gimme! Gimme! Gimme! (A Man After Midnight)

2.Mamma Mia

3.Dancing Queen

4.Super Trouper

5.SOS

6.Summer Night City

7.Money, Money, Money

8.The Winner Takes It All

9.Chiquitita

10.One Of Us

11.Knowing Me, Knowing

12.You Voulez-Vous

13.Fernando

14.Waterloo

15.Name Of The Game, The

16.I Do, I Do, I Do, I Do, I Do

17.Take A Chance On Me

18.I Have A Dream

Wikimedia Commonsen badira fitxategi gehiago, gai hau dutenak: ABBA