Trakea

Trakea
Trakea Irudi gehiago
Xehetasunak
Honen parte	arnas aparatua lower respiratory tract (en)
Kokapena	barrunbe torazikoa
Artikulazioa	laringea
Hona drenatzen du	brachiocephalic vein (en)
Identifikadoreak
Latinez	Trachea
MeSH	A04.889
TA	A06.3.01.001
FMA	7394
Terminologia anatomikoa

Trakea edo zintzur-hestea airea biriketara eramaten duen tutua da. Laringetik bronkioetara doa eta kartilaginosoa da. 10-16 zentimetro luze izaten da, eta 2,1-2,7 zentimetroko diametroa izaten du.

Hestegorriaren aurreko aldetik, laringearen beheko muturretik beherantz luzatzen da bi bronkio nagusitan banatu arte bosgarren orno torazikoaren mailan. Zuntzezko ehunez lotutako 15-20 eraztun itxurako kartilagoz osatuta dago. Eraztun hauek ez dira osoak, atzeko muturrak zuntzezko mintz muskulu leunez lotuta baitaude.

Eraztun lotailuen mailan hiru geruza nagusi azaltzen dira:

• Barneko geruza mukosoa: epitelio zilindriko ziliodunez eta muki guruinez osatuta dago. Beran hartzaile sentsitiboak (eztularen zelula hartzaileak) daude.
• Muskulu leuna: geruza mukosoa inguratzen du. Eztul egitean bronkioak uzkurtzen dituena da.
• Zuntzezko ehuna: muskulu leuna inguratzen duena.

Kanpo estekak

• Datuak: Q175449
• Multimedia: Trachea (anatomy) / Q175449