Gamla Stan

Gamla Stan auzoaren ikuspegia.

1885eko planoa.

Gamla Stan ("Hiri zaharra") edo Staden mellan broarna ("Zubien arteko hiria") Suediako Stockholm hiriburuko alde zaharra da.

Historia

Suediako aurreko hiriburua Sigtuna izan zen baina sarritan erasotzen zuten eta erregeak hiriburu berri bat sortzea erabaki zuen. Kondairak dioenez enbor bat hustu eta barruan altxor guztiak ezarri zituzten eta uretan jitoan joan zen harik eta uharte batetara irtitsi zen arte. Stockholm izena eman zioten uharte hari, "egurraren uhartea".

XIII mendean Stockholmek gaur egungo Gamla Stan-en azalera hartzen zuen. Hurrengo mendeetan hiria handituz joan zen eta suburbioak bere baitan hartu ahala XX mendearen hasieran hiriaren alde zaharrenak Gamla Stan izena hartu zuen.

Geografia eta egitura

Stadsholmen uhartean kokaturik dagoen arren inguruko Riddarholmen, Helgeandsholmen eta Strömsborg uharte txikiak ere hartzen ditu bere baitan.

XIII mendeko herriaren egitura mantentzen du. Stortorget enparantza handia dauka erdian eta ertzetan merkatarien etxe zaharrak daude, bai eta Suediako Burtsaren eraikina ere.

Ondasun nabarmenak

• 
  Stortorget enparantzako merkatarien etxeak.
• 
  Birger Jarls torg enparantza (Riddarholmen).
• 
  Errege Jauregia eta patioa.
• 
  Suediako Legebiltzarraren jauregia.
• 
  San Nikolas katedrala.
• 
  Riddarholmen eliza.
• 
  Bonde jauregia.
• 
  Riddarhuset, Nobleziaren etxea.
• 
  Tessin jauregia.
• 
  Wrangel jauregia.
• 
  Skeppsbron kalea.

Kanpo estekak

• Datuak: Q579854
• Multimedia: Gamla stan / Q579854