Lisp

Lisp historia luzeko eta gakoz beteko sintaxi bereizgarria duen programazio lengoaia familia bat da. Jatorriz 1958. urtean zehaztuta, maila altuko programazio lengoaien artean Fortran da Lisp baino zaharragoa soilik. Fortran moduan, Lisp asko aldatu egin da bere sorreratik, eta hainbat dialekto ezberdin izan dira bere historian zehar. Gaur egun, "Lisp batua" Common Lisp da.

Lisp jatorriz ordenagailu programentzako notazio matematiko praktiko modura sortu zen, Alonzo Church-en lambda kalkuluan oinarrituz. Laister bihurtu zen programazioa lengoaia gogokoena adimen artifizialaren ikerketan. Lehenetariko programazio lengoaia izanik informatikaren ideia askoren aitzindari izan zen.

Dialekto nagusiak

Gaur egungo xede orokorreko programazioan bi dialekto nagusienak Common Lisp eta Scheme dira. Lengoaia hauek diseinu aukera ezberdinak erakusten dituzte.

Common Lisp batez ere MacLisp, Interlisp, eta Lisp Machine Lispen ondorengoa da. Scheme diseinu minimalistagoa du baina baditu Common Lispen aurkitzen ez diren ezaugarri batzuk.

Hauez gain, Lisp dialektoak aplikazio batzuetan Script lengoaia moduan erabiltzen dira, ezagunak Emacs Lisp Emacs editorean eta Autolisp AutoCADen izanik

Sintaxi adibideak

Kaixo mundua adibidea:

<pre><nowiki>
(format t "Kaixo, mundua!")

Zenbaki baten faktoriala:

(defun faktoriala (n)
   (if (<= n 1)
     1
     (* n (faktoriala (- n 1)))))

Liburuak

• LISP programazio-lengoaia. Kepa Sarasola Gabiola eta Juan Ramon Bastarrika Larrauri. UEU 1991. (Jeitsi UEUko buruxkak-etik)

Kanpo estekak

• Datuak: Q132874
• Multimedia: Lisp (programming language) / Q132874