Pilotaleku

Ezker pareta duen pilotalekuaren eskema

Ikuspegi eskema

Pilotalekua edo frontoia pilota jokatzen den tokia da. Itxura eta tamaina askotakoak izan daitezke, joko motaren arabera. Ia denek dute horma bat aurrealdean, errebotean izan ezik, pilota haren aurka bidali ahal izateko.

Jorge Oteizaren arabera, pilotalekuak hutsa edo euskal estetikaren hustasunaren adierazle nagusia ziren, harrespilekin batera.

Ezaugarriak

10 metro garaiko bat, bi edo hiru paretez osatua dago, eta 10-11 metroko zabalera eta 30-54 metroko luzera izaten du. Ipar Euskal Herrian, frontoi ireki gehienek pareta bakarra dute.

Ezkerreko pareta luzeak "ezker pareta" izena du, honen eskuinera pareta garrantzitsuena dago "frontis" izenekoa, pilotak derrigorrez jo behar duen pareta non, lurretik metro batetara burdinazko xafla bat dago. Pilotak xafla honen eta goialdeko beste xaflaren artean talka egin behar du tantoa ona izateko. Pilotalekuaren atzealdean dagoen pareta txikiari, "errebote" deitzen zaio.

Lurrean, beste bi marra daude, "labur (edo "motz") eta "luze" (edo "pasa") izenekoak. Pilota sakatzen denean, bi marra hauen artean eman behar du botea ona izan dadin. Ezkerreko paretan, zenbakidun marraz beterik dago, non frontisetik erreboterainoko distantzia ikusten da.

Pilotaleku ezagunenak

• Aritzbatalde pilotalekua, Zarautzen.
• Astelena pilotalekua, Eibarren.
• Atano III.a pilotalekua, Donostian.
• Beotibar pilotalekua, Tolosan.
• Galarreta pilotalekua, Hernanin.
• Labrit pilotalekua, Iruñean.
• Ogeta pilotalekua, Gasteizen.
• Uarkape Pilotalekua, Arrasaten.

Pilotaleku motak

• 
  Plaza (Azkaine)
• 
  Ezker pareta (Erronkari)
• 
  Ezker pareta estalia
• 
  Trinketa (Elizondo)

Ikus, gainera

• Pilotako materiala