Aitzorrotzeko Gurutze Santuaren ermita

Aitzorrotzeko Gurutze Santuaren ermita
Kokapena
Herrialdea	Euskal Herria
Probintzia	Gipuzkoa
Udalerria	Eskoriatza
Koordenatuak	43°01′N 2°32′W
Arkitektura

Aitzorrotzeko Gurutze Santuaren ermita edo Santi Kurutze erminta Eskoriatzako Aitzorrotz mendiaren tontorrean dagoen baseliza da.

Historia

Noiz eraikia izan zen ez da ezagutzen, baina XVI. mendearen amaiera aldera jada existitzen zela ezagutzen da, Aitzorrotzeko gaztelua jada suntsitua zegoenean. Lehenago Aitzorrotzeko gazteluaren dorre nagusiak hartzen zuen toki berean dago. Bertako jaia maiatzeko lehen igandean izaten da, eta bertan Gurutze Santuaren erlikia bat gordetzen da, baita agiri bat ere. Bere ondoan, Aitzorrotzeko gazteluari buruzko indusketa arkeologikoak egin izan dira, azkenak 2009ko urrian eta 2010eko maiatzean, Naia Senper arkeologoa eta Iñaki Sagredo historialariaren gidaritzapean. Badago ohitura ermitara iritsitakoan bertako kanpaia jotzeko. Tontorrera, eta, beraz, ermitara iristeko, banakako lerroan joatera behartzen duen pasabide estu bat baino ez dago.

Kondaira

Kondaira zahar batek dio Aitzorrotzen bertan lurreratu zela Noeren ontzia eta horregatik itsasontzi baten maketa dago baselizaren barruan sabaitik zintzilik. Kondaira hau irudikatzen dute era berean Eskoriatza eta Aretxabaletako armarriek.

Iruditegia

• 
  Ermita haitzaren gainean.
• 
  Barnealdea.
• 
  Nafarroako bandera ermitan.
• 
  Kutxa.

Kanpo estekak

• Datuak: Q12252982