Hermilio Alcalde del Río

Hermilio Alcalde del Río
Irudi gehiago
Bizitza
Jaiotza	Villamediana, 1866
Herrialdea	Espainia
Heriotza	Torrelavega, 1947 (80/81 urte)
Hezkuntza
Hizkuntzak	gaztelania
Jarduerak
Jarduerak	arkeologoa eta politikaria

Hermilio Alcalde del Rio (Villamediana, Palentzia, 1866-Torrelavega, Kantabria, 1947), ia 50 urtez, Torrelavegako Arte eta Lanbideen Eskolako zuzendari bezala aritu zen arkeologo espainiar bat izan zen.

Biografia

Hermiliok, bere aktibitate arkeologikoa, 1902an hasi zuen, Augusto González de Linaresekin Altamirako leizera joan zenean. 1903an, bere kabuz, labar-pinturadun Kantabriako leize ugariren aurkikuntza hasten du, horien artean, Hornos de la Peñako leizea, Covalanasko leizea, La Hazako leizea, Santianeko leizea, La Clotildeko leizea, La Meazako leizea eta El Pendoko leizeko labar grabatuak.

Asturias ekialdean ere lan egin zuen, non El Pindaleko leizeko, Mazaculos IIko leizeko, El Quintanaleko leizeko eta La Lojako leizeko pintura eta grabatu multzoak eta Peña Manileko Gazteluko indusketa aurkitu zituen. Hugo Obermaier eta P. Wernertekin batera, La Pasiegako leizearen mendebaldeko zatia, C galeria aurkitu zuen 1911n. Hermilioren ikerketak emandako informazio kopurua, ikaragarria da, baina, honetaz gain, 1906an, Santanderreko probintziako historiaurreko leizeetako grabatu eta pinturak: Altamirako leizea, Covalanaseko leizea, Hornos de la Peñako leizea, El Castillo leizea argitaratu zuen, eta, aurrerago, Les cavernes de la région cantabrique (Espagne) bezalako beste argitalpen batzuetan parte hartu zuen, Henri Breuil eta Lorenzo Sierrarekin batera. Azken lan honek, gaur egun, Kantauriar Eskualdeko paleolitoko labar arteari buruzko funtsezko lan bat izaten jarraitzen du.

Alcalde del Riok, Rasineseko Haraneko leizea, Hornos de la Peñako leizea eta El Castillo leizea bezalako paleolitoko aztarnategiak industu zituen, lanok, Alberto I.a Monakokoak eta Pariseko Institut de Paléontologie Humainek finantzatuak izan zirelarik.

Alcaldek, Natura Historiaren Errege Elkartearen fundazioan parte hartu zuen, Lorenzo Sierra eta Jesús Carballorekin batera.

Lehen Mundu Gerraren hasieraren ondorioz, Alcalde del Riok bere lan arkeologikoa utzi zuen. Alcalderen erretiroarekin eta Institut de Paléontologie Humaineren lanen gelditzearekin, Kantabriako historiaurreko ikerketa, ia erabat geldi egon zen 1950eko hamarkada ondo sartu arte.

• Datuak: Q616247
• Multimedia: Hermilio Alcalde del Río / Q616247