Granada Club de Fútbol

Granada Club de Fútbol

Ezizena(k)	Los Nazaríes, Los Rojiblancos
Sorrera	1931
Futbol zelaia	Nuevo Los Cármenes estadioa edukiera: 22.524 lagun inaugurazioa: 1995
Presidentea	Jiang Lizhang
Entrenatzailea	Diego Martínez
Liga	2. maila
2018-19	2.a (igo da)
Webgunea	Webgune ofiziala
Etxekoa 　 Kanpokoa

Granada Club de Fútbol futbol talde andaluziarra da, 1931an Granada hirian sortutakoa. Etxeko partiduak Nuevo Los Cármenes estadioan jokatzen ditu.

Historia

Nuevo Los Cármenes futbol zelaia.

Eibar KE-ren aurkako partida, lehen mailan.

Alhaurinen zelaian hirugarren mailako partida, 2005ean.

Sorrera eta hasierako urteak

1931eko apirilaren 6ean eratu zen Club Recreativo Granada taldea. Berehala irabazi zuen bere lehenengo txapelketa, 1933ko Andaluziako Kopa hain zuen ere. Gerra Zibila bukatzean bigarren mailan sartua izan zen eta berahala lehen mailara igotzea lortu zuen, 1940-41ean hain zuzen ere. Lau urte eman zituen gainera goiko mailan.

Lehen mailako urteak

Hamabi urte bigarren mailan egin ondoren berriz ere lehen mailara lortzea lortu zuen 1956-57 denboraldian bigarren mailako txapeldun gelditzean eta 1959an Errege Kopako finalista izan zen. Bartzelonak 4-1 irabazi zion finalean.

Titulurik irabazi ez arren lehen mailako ohiko taldea bihurtu zen Granada 1965ean hirugarren igoera lortu ondoren. Batez ere 1968 eta 1976 artean zortzi denboraldiz jarraian mantendu baitzen bertan. Posturik onena 6.a izan zuen 1971-1972 eta 1973-1974 denboraldietan.

Hiru hamarkada putzu sakonean

Klubak 50 urteurrena betetzen zuen urtean 2.B mailara jeitsi zen Granada eta bertan urte mordoxka bat egin ditu. 2002an gainera diru arazoak zirela eta hirugarren mailara ere jeitsi zen.

Berpizkundea

2009-10 urtean 2.B mailatik ateratzeko talde indartsua osatu zuen eta bigarren mailarako igoera lortu zuen. Hurrengo urtean Ligan 5. sailkatu zen, baina urte hartan igoera sistema aldatu zen, izan ere lehenengo bi sailkatuak zuzenean igotzen baziren ere 3 eta 6. postuen artean zeudenek ligaxka bat jokatu behar zuten eta ligaxka hori irabaztea lortu zuenez Granadak berriz ere lehen mailara igotzea lortu zuen.

2011-12 denboraldian lehen mailan aritu zen eta mantentzea lortu zuen azken jardunaldiko 87. minutuan Atlético Madrileko Falcaok Vila-Reali sarturiko gol bati esker. Hurrengo denboraldian jeitsiera postutatik kanpora mantendu zen eta 15. postua eskuratu zuen azkenean. 2013-14 denboralditik aurrera azken jardunaldian salbatu da. 2016-17an azken postuetan egon zen denboraldi guztian eta gabonetan fitxaketa ugari egin arren azken postuan amaitu zuen.

2019an berriz itzuli zen lehen mailara. Denboraldiko lehen itzulia bikaina egin zuen eta Errege Kopan finalerdietara iritsi zen 51 urte beranduago, baina Athleticek kanporatu egin zuen kanpoko golaren balioagatik.

Uniformea

Taldeak hasiera batean marra zuri urdindun elastikoa izan zuen. Gerra Zibila amaitu ondoren kolore bereko elastikoak aurkitu ez eta Madrilgo Saltoki Handi batzuetan elastiko zuri-gorriak erosi zituzten. 1960. hamarkadan gainerako taldeetatik bereiztu asmoz marra horizontalak zituzten kamisetak hartu zituzten. Ordutik aurrera bertikalak eta horizontalak txandakatu zituzten baina 2005ean egindako asanblada batean marra horizontalak finkatzea erabaki zen.

Historikoa

1931

1941

1960

2005-tik

Azken urteak

2014-2015

2015-2016

2016-2017

2017-2018

2018-2019

2019-2020

Datuak

2019-20 barne:

• Denboraldiak 1. mailan: 24
• Denboraldiak 2. mailan: 33
• Denboraldiak 2. B mailan: 22
• Denboraldiak 3. mailan: 5
• Ligako posturik onena: 6.a Lehen mailan (1971-72, 1973-74)

2019/2020 taldea

2020ko martxoaren 5a

Zbk. Postua Jokalaria 1 ATE Rui Silva 2 ATZ Dimitri Foulquier (Watfordetik utzita) 3 ATZ Álex Martínez 4 ERD Maxime Gonalons (Romatik utzita) 5 ATZ José Antonio Martinez (Eibarretik utzita) 6 ATZ Germán Sánchez 7 AUR Álvaro Vadillo 8 ERD Yan Eteki 9 AUR Roberto Soldado 10 AUR Antonio Puertas 11 ATZ Ismail Köybasi 12 ERD Ramon Azeez 13 ATE Aarón Escandell

Zbk. Postua Jokalaria 14 AUR Fede Vico 15 ATZ Carlos Neva 16 ATZ Víctor Díaz 17 ATZ Quini 18 AUR Antoñín Cortés 19 ERD Ángel Montoro 20 ATZ Jesús Vallejo (Wolverhamptonetik utzita) 21 ERD Yangel Herrera (Manchester Citytik utzita) 22 ATZ Domingos Duarte 23 AUR Darwin Machís 24 AUR Carlos Fernández (Sevillatik utzita) 25 AUR Gil Dias (Monakotik utzita) - ATZ Neyder Lozano

Irabazitako txapelketak

Espainiako txapelketak: 3

• Espainiako futbol ligako lehen maila: 0
  • seigarren 1971-72 eta 1973-74a.
• Espainiako futbol ligako bigarren maila: 3
  • 1940-41, 1956-57 eta 1967-68
• Futboleko Espainiako Errege Kopa: 0
  • finalista 1959an.

Andaluziako txapelketak: 1

• Andaluziako Kopa: 1
  • 1932-33

Azken urteetako ibilbidea

Urtea	Maila	Postua	Errege Kopa
2004-05	Hirugarren maila	5.a	-
2005-06	Hirugarren maila	1.a	-
2006-07	Bigarren B maila	13.a	1. itzulia
2007-08	Bigarren B maila	5.a	-
2008-09	Bigarren B maila	10.a	1. itzulia
2009-10	Bigarren B maila	1.a	-
2010-11	Bigarren maila	5.a	3. itzulia
2011-12	Lehen maila	17.a	1/16
2012-13	Lehen maila	15.a	1/16
2013-14	Lehen maila	15.a	1/16
2014-15	Lehen maila	17.a	1/8
2015-16	Lehen maila	16.a	1/8
2016-17	Lehen maila	20.a	1/16
2017-18	Bigarren maila	10.a	2. itzulia
2018-19	Bigarren maila	2.a	2. itzulia
2019-20	Lehen maila		Finalerdiak

Kanpo estekak

• (Gaztelaniaz) Granadaren webgune ofiziala

• Datuak: Q8812
• Multimedia: Granada CF / Q8812