Italiar bufalo

Italiako bufaloak etxalde batean.

Mozzarella gazta.

Tomatea stracciatella di bufala gaztarekin.

Italiar bufaloa edo mediterranear bufaloa (italieraz: Bufala Mediterranea Italiana, jatorri izendapen ofiziala 2000. urtetik) Italiako bufalo arraza da, Asiar bufalo etxekotuaren barietatea. Hungariako, Errumaniako eta Balkanetako herrialdeetan ere hazten dira antzeko bufaloak.

Erabilpena

Haragitarako eta esnetarako erabiltzen da, eta batez ere Campania eskualdean hazten dira Italian, non mozzarella gazta ezaguna egiteko erabili ohi den. Stracciatella, ricotta di bufala, scamorza di bufala, stracchino di bufala eta beste zenbait produktu ere egiten dira.

Jatorria

Tradizioak dio ostrogodoek ekarri zituztela bufaloak Italiara. Beste iturri batzuen arabera, Erromako klasikoaren garaian sartu ziren. Europako bufalo fosilen aztarnak ere badira Italian, baina zaila dirudi horien ondorengoak izatea bufalo hauek, Asiako bufaloaren espezie bera baitira.