Jean-Bernard Uhart

Jean-Bernard d'Uhart (Uhartehiri, 1765eko ekainaren 17a - Zalgize-Doneztebe, 1834ko maiatzaren 18a) euskal militar eta politikaria zen.

Aita Clément Uharteko baroia (1712-1795) eta ama Dorothée de Caupenne d’Amou (1743-1809) zituen. Parisen hasi zen Armadan eta, 1787an, erregearen tenientea zen Zuberoan, gobernadorea ordezkatuz.

Zuberoako nobleteriaren ordezkaria zen 1789ko Estatu Orokorrean. 1793an Larraungo Burdinolaren jabea zen, orduan gerrarako industria zena.

Saint-Louiseko zalduna, Zalgize-Doneztebeko alkatea (1829-1832) eta Pirinio Atlantikoetako Kontseilari Orokorra ere bazen.

Étiennette d’Angosse (1771-1793) emaztearekin batera seme bi izan zituen:

• Gustave (1791-1860), funtzionaria, eta
• Jean-Paul-Henri (1793-1813), medikua, Errusiako Kanpainian galdua.

Bibliografia

• Dictionnaire des parlementaires français (1789-1889).
• Diane de Maynard, La descendance de Jean-Paul marquis d’Angosse (1732-1798), Paris, Bourgeois argitaletxea, 1998.
• Jean de Jaurgain, À propos de "Los Refranos de Sauguis", Revista Internacional de los Estudios Vascos aldizkaria, 1909.