Kapitalizazio konposatu

Kapitalizazio konposatuan, kapitalak modu esponentzialean gehitzen da, interesak kapitalean metatzen baitira interes gehigarriak jasotzeko.

Finantzetan, kapitalizazio konposatua epe jakin baterako inberitutako kapital bati dagozkion irabaziak edo interesak kalkulatzeko modu bat da, epe batetik bestera interesak kapitalera metatzen dituena, kapitalizazio sinplean ez bezala.

Kapitalizazio-lege honetan, inbertitutako $C_{0}\,$ hasierako kapital bati dagokion $C_{t}\,$ bukaerako kapitala, moneta-unitatetan, honela kalkulatzen dira, $t\,$ epe baterako, epeko aldi bakoitzeko interes-tasa $i\,$ izanik:

$C_{t}=C_{0}(1+i)^{t}\,$

Jasotako interesak bukaerako kapitalari hasierako kapitala kenduz kalkulatzen dira:

$I_{t}=C_{t}-C_{0}=C_{0}(1+i)^{t}-C_{0}=C_{0}[(1+i)^{t}-1]\,$

Adibidez, 1000 euroko inbertsioa egiten bada 3 urtetarako, urteko interes-tasa konposatua %10 izanik, 3 urteren buruan kapitala hau izango da:

$C_{3}=1000\times (1+0.10)^{3}=1331\ euro\,$

Jasotako interesak 1331-1000=331 euro dira. Ohartu behar da kapitalizazio sinplean interesak 300 bakarrik lirateekela, 100 urteko hain zuzen.

Urtez urteko jarraipena egiten bada, argi ikusten da, urtero interesak kapitalera bildu eta horrela interesak sortzen direla interesen gainean:

Urtea	Hasierako kapitala	Bukaerako kapitala
1	1000	1000×(1+0.1)=1100
2	1100	1100×(1+0.1)=1210
3	1210	1210×(1+0.1)=1331

Horrela, kapitalaren hazkundea esponentziala da alditik aldira.

Kanpo estekak

• Kapitalizazio konposatuaren legea, Gizapedian.

Oharrak eta erreferentziak

• Datuak: Q959606
• Multimedia: Compound interest / Q959606