Wikipedia:Zirriborro

Wikipediako zirriborro bat artikulu oso labur bat da, orokorrean paragrafo bat edo gutxiagokoa. Pertsona askok gorroto ditu zirriborroak, baina beharrezkoak dira. Artikulu on asko eta asko zirriborro izatetik hasten dira. Orokorrean, errazago animatzen da jendea zirriborro bat hobetzera, artikulu berri bat sortzera baino.

Nola egin zirriborro egokiak

Printzipioz, zirriborroak ekarpen baliotsuak dira, baino kontu izan behar da Wikipedia osoa zirriborroz osatutako bilduma bat izan ez dadin. Egokia litzateke hurrengo argibideak jarraitzea:

• Gai baten inguruan paragrafo bat idazteko aukera baino ez baduzu, saiatu definizio txiki bat eta informazio garrantzitsuena ematen. Inoiz ez hasi artikulu bat bestelako informazioarekin.
• Zirriborroak oraindik sortu gabe dagoen ezagutza arlo bati hasiera emateko modu egokia dira (adibidez, garai historikoak, pertsonaia garrantzitsuak, eta abar).
• Kontuan izan entziklopedia bat sortzen ari garela, eta ez hiztegi bat. Definizio bat baino ez duen artikulua ongi legoke etorkizunean handitzeko aukera eskaintzen badu. Baina ez dute zentzu handirik handitzeko aukerarik ez daukaten eta eduki entziklopedikorik ez duten hitz arrunten definizioek.
• Zirriborro baten helburua etorkizunean handitzea eta artikulu interesgarri bat izaten amaitzea da. Gäur egun, ordea, zirriborro ugari eta hauentzako ekarpen gutxi daudela ikus dezakegu. Askotan artikulu luze gutxi batzuk idaztea zirriborro asko sortzea baino ekarpen hobea izan daiteke.
• Arduratu zaitez zure zirriborroez. Denbora luzea pasa ondoren inork hobetu ez duela ikusten baduzu, saiatu zuk zeuk hobetzen!

Nola adierazi zirriborroa dela

Artikulu bat zirriborroa dela adierazteko txantiloiak daude. Txantiloi horiek Zirriborro txantiloiak kategorian aurkitu ditzakezu. Egin beharreko bakarra artikuluaren amaieran dagokion gaiaren txantiloia txertatzea da. Gai horrentzako txantiloirik ez badago, zuk zeuk bat sortu edo bestela {{zirriborro}} txantiloi orokorra erabil dezakezu.

Non aurkitu hobetu beharreko zirriborroak

Zirriborro bezala definitzen diren artikulu guztiak Zirriborroak kategorian sailkatzen dira. Bertan dauden artikulu guztiek hobekuntzen beharra dute, eduki oso xumea baitute.

Bestalde, baliteke zirriborro bezala sailkatuta ez dauden artikulu xumeak aurkitzea. Horrelakoetan, eskertuko genizuke artikulua hobetu edo zirriborro bezala sailkatzea, beste norbaitek hobetu ahal izan dezan. Mila esker!