Gizarte-langintza

"Gizarte Langintzaren lanbideak gizartea aldatu dadila, giza harremanen arazoak konpondu daitezela eta ongizatea areagotzeko herria indartu eta askatu dadila bultzatzen du. Gizarte Lanak, giza jokabideari eta gizarte-sistemei buruzko teoriez baliatuz, guk eta gure inguruneak elkarren eraginpean ditugun puntuetan esku hartzen du. Giza Eskubideen eta Gizarte Justiziaren printzipioak funtsezkoak dira Gizarte Langintzarako." (Gizarte Langileen Nazioarteko Federazioak emandako definizioa)

Gizarte Laneko Diplomatuen egiteko nagusia premia handienak dituzten pertsona eta/edo gizarte-taldeei laguntza profesionala eskaintzea da beren bizi-kalitatea hobetu dadin ahalegintzeko.

Gizarte Langilearen lanbideak bi alderdi ditu: batetik, laguntza alderdia, eta bestetik, lagundutako pertsonen gizarte sustapenaren alderdia. Profesionalok hainbat pertsona eta familiari laguntzen diete beren arazo pertsonalak eta gizarte mailakoak konpontzen, arazo horiei (baliabideen eskasia, egokitzapen-arazoak, aisialdi eta harreman mailakoak, etxebizitza arlokoak,...) irtenbide bat bilatzeko neurriak proposatuz.

Gizarte Langintzan diplomatuek jardunaldi inguru ezberditzetan betetzen dute bere lana:

a) Lehen arretarako gizarte zerbitzuak b) Hezkuntza zerbitzak c) Osasun zerbitzuak d) Zuzenbide Administrazio zerbitzuak e) Lan inguruko zerbitzuak f) Lanbidearen jardunaldi librea g) Irakaskuntza eta ikerketa soziala h) Solidaritatea, Elkarlana eta Garapenerako Laguntza i) Etxebizitza Zerbitzua j) Migrazioak, gutxiengoa eta demografia k) Erakunde Sozialak: Elkarteak, Fundazioak,... l) Nazioarteko Zerbitzu eta Erakundeak