Alderantzizko transkriptasa

Alderantzizko transkriptasaren egitura molekularra.

Alderantzizko transkriptasa edo erretrotranskriptasa RNA mendeko DNA polimerasa da, transkripzio genetikoaren alderantzizko prozesua burutzen duena. Hots, RNAtik abiatuta DNA sortzen du.

Transkripzio prozesua bizidun ia guztietan burutzen da, eta RNA polimerasa entzimaren bitartez RNA mezularia sortzen du:

DNA → mRNA

mRNA horrek itzulpen izeneko prozesuan proteinak sortuko ditu.

Alderantzizko transkriptasak, aldiz, mRNA-tik abiatuta DNA sortzen du, erretrotranskripzio izeneko prozesuan:

mRNA → DNA

Birus berezi batzuek (erretrobirusek) besterik ez dute entzima hori. Hori dela eta, erretrotranskripzioa aparteko fenomenoa da naturan.

Howard Temin, David Baltimore eta Renato Dulbecco ikerlariek entzima berezi hori aurkitu zuten 1970ean, eta Medikuntzako Nobel Saria lortu zuten 1975ean aurkikuntza horregatik.

Bioteknologian eta ingeniaritza genetikoan maiz erabiltzen da alderantzizko transkriptasa.

Kanpo estekak

• Datuak: Q28774
• Multimedia: Reverse transcriptase / Q28774