Angelusa

Angelusa ; (L'Angélus)
Jatorria
Sortzailea(k)	Jean-François Millet
Sorrera-urtea	1858
Izenburua	L'Angélus
Jatorrizko herrialdea	Frantzia
Komisarioa	Thomas Gold Appleton
Ezaugarriak
Materiala(k)	olio-pintura eta Margo-oihala
Dimentsioak	55,5 () × 66 () cm ;
Egile-eskubideak	jabetza publiko
Deskribapena
Kokapena
Lekua	Orsay museoa
Bilduma	Orsay museoa eta Louvreko margogintza saila
Inbentarioa	RF 051804048
Jabea	Orsay museoa, John Waterloo Wilson (en) , Eugène Secrétan (en) eta Alfred Chauchard (en)
Fikzioa
Kontakizunaren tokia	Chailly-en-Bière
Historia
Erakusketak	International Exposition 1867 (en) ; Secretan sale 1889 (en)
Gertaera nabarmenak	1857; eskaera

Angelusa Jean F. Millet margolari frantsesaren oso margolan ospetsua da, 1857an eta 1859an artean egina. Lana errealismoan kokatzen da. Gaur egun Pariseko Orsay Museoan erakusten da. Margolana Estatu Batuetako Thomas Gold Appleton arte-bildumagilearen enkargua izan zen. Arte-lana bertsio desberdinak ezagutu zituen gaur egun ospetsua egin dena izan arte. Izenburua ere aldatzen joan zen; lehendabizikoa Pataten uzta eskertzeko otoitza izan zen. Lehenengo urteetan ez zen oso baloratua izan.

Deskribapena[aldatu | aldatu iturburu kodea]

Lan honetan Millet margolariak nekazal inguruko eszena bat azaldu nahi izan zuen; bere obraren lehenengo garaian ohikoak izango dira horrelako gaiak. Urte horietan nekazarien mundua, langileenaren aurka, postiibotzak jotzen zen, mundu naturala, usteldu gabekoa. Mezu hori burgesiaren gustukoa zen, jakina. Egileak nekazari pobreak erakutsi nahi ditu, modu batez haien irudia goraipatuz.

Eszenan nekazari bikote bat ikusten dugu. Haien lanean geldiune bat egin dute angelusen otoitzak egiteko. Otoitz horrekin Mariari egiten zitzaion omenaldia eta egunero, eguerdian, egiten zen. Bikotea soro lainotsu eta ireki batean dago. Haien artean saski bat ikus daiteke eta atzean gurdi bat. Gizonaren eskuinean sardea ikusten da. Oso atzean kanpandorre bat ikus daiteke eta zeruan hegazti talde bat.

Protagonisten aurpegian iluntasunean gelditzen dira, horrela haien jarrerak eta debozioa azpimarratuz.^[1]

Lehenengo bertsioa[aldatu | aldatu iturburu kodea]

Hasieran lanaren gaia desberdina zen. Gaur egun saskia ikusten dugun tokian hildako haur bat ikusten zen. Nekazariak haren gurasoak ziren eta otoitza haren arimaren alde zen. Irudia inpakto handia sortu zuen ikusleen artean eta zentsuraren beldurrak Millet eraman zuen lanaren gaia aldatzera.^[1]

Salvador Dalí eta Angelusa[aldatu | aldatu iturburu kodea]

Margolari katalanak behin baino gehiagotan hitz egin zuen obra honi buruz. Haren esanetan, Angelusa berarentzat benetako obsesioa izan zen. Ondorioz lanaren interpretazio desberdinak egin zituen eta 1932 - 1935 artean honi buruzko saiakera idatzi zuenː El mito trágico del Angelus de Millet.^[2] Beste liburu batean, Confesiones inconfesables, durduzagarri eta sakona bezala definitu zuen.