Apezpiku

Wikipedia, Entziklopedia askea
Johann Otto von Gemmingen, Augsburgoko printze-apezpikua.

Apezpikua (grezieraz: επισκοπος epískopos, 'zaindaria, ikuskaria') edo gotzaina Kristau-erlijioan, elizbarruti bateko buru den pertsona da. Eliza katolikoan, ordenako sakramentua hartu duen eta presbitero eta diakonoaren gaineko maila duen gizonezkoa da[1].

Etimologiaren ikuspegitik elizbarrutian Elizaren legeak bete daitezela kontrolatu behar du. Apostoluen ordezkoa[2], Erromako apezpikua den Aita Santua eta beste apezpikuekin batera Eliza osoren erantzunkizuna du.

Motak[aldatu | aldatu iturburu kodea]

  • apezpiku tituluduna edo diozesanoa
  • apezpiku laguntzailea.
  • metropoliko apezpikua
  • apezpiku lagunkidea
  • apezpiku hautatua
  • apezpiku egoitzaduna
  • apezpiku sufragioduna

Ezaugarriak[aldatu | aldatu iturburu kodea]

Timoteoren lehendabiziko eskutitzak apezpiku baten ezaugarriak aipatzen ditu:

« Egia da elkarte-zuzendari izan nahi duenak eginkizun ona nahi duela. Baina zuzendariak akats gabea izan behar du, behin bakarrik ezkondua behin bakarrik ezkondua, neurritsu, zentzudun, gizabidetsu, ostatu-emaile, irakasteko trebe; ez ardozale, ezta sesiozale ere, bihozbera baizik, baketsua eta ez diruzalea. Bere etxea ongi gobernatzen eta seme-alabak mendetasunean eta errespetuan hezten jakin behar du; izan ere, nola izango du Jainkoaren elkartearen ardurarik bere etxea gobernatzen ez dakienak? Ez bedi kristauberri izan, harropuztu eta deabrua bezala gaitzetsia izan ez dadin. Kristau ez direnen artean ere izen ona izan behar du, desohorean eta deabruaren sareetan eror ez dadin. »

—1 Timoteori 3


Erreferentziak[aldatu | aldatu iturburu kodea]

  1. Harluxet Hiztegi Entziklopedikoa. Apezpiku. .
  2. Moede, Gerald, The Office of Bishop in Methodism: Its History and Development (Nashville: Abingdon, 1965)

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]