Blazing Saddles

Blazing Saddles
Jatorria
Argitaratze-data	1974
Izenburua	Blazing Saddles
Mugimendua	New Hollywooda
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	film komikoa eta Westerna
Iraupena	93 minutu
Kolorea	koloretakoa
Deskribapena
Honen parte da	National Film Registry (en)
Grabazio lekua(k)	Kalifornia
Zuzendaritza eta gidoia
Zuzendaria(k)	Mel Brooks
Gidoigilea(k)	Andrew Bergman; Mel Brooks; Richard Pryor
Antzezlea(k)
	Mel Brooks ; Gene Wilder ; Madeline Kahn ; Dom DeLuise ; Harvey Korman ; Cleavon Little ; Slim Pickens ; David Huddleston ; Liam Dunn ; Jack Starrett ; John Hillerman ; Alex Karras (Mongo (en) ); Count Basie ; George Furth ; Millie Slavin (en)
Ekoizpena
Ekoizlea	Michael Hertzberg
Konpainia ekoizlea	Warner Bros.; Warner Bros. Pictures (en)
Edizioa	Danford B. Greene
Bestelako lanak
Musikagilea	John Morris
Argazki-zuzendaria	Joseph F. Biroc
Fikzioa
Kontakizunaren tokia	Kalifornia
Historia
Nominazioak	Taldeko emakumezko aktore onenaren Oscar Saria ; 47. Oscar Sariak ; Madeline Kahn; Muntatze onenaren Oscar Saria ; 47. Oscar Sariak ; John C. Howard (en) , Danford B. Greene
	warnerbros.com…
Bideoa	YouTube

Blazing Saddles (euskaraz literalki Zaldi-Eserleku Gartsuak) 1974ko Mel Brooks estatubatuar zinema zuzendariak zuzendutako komedia western film bat da. Gidoiak Brooks berak, Andrew Bergman, Richard Pryor, Norman Steinberg eta Al Ugerrek idatzi zuten. Cleavon Little, Gene Wilder, Harvey Korman, Slim Pickens, Madeline Kahn, Mel Brooks eta Dom DeLuise aktoreek antzeztu zuten.

Hiru Oscar Sarietarako izendapenak jaso zituen: Emakumezko bigarren aktore onenaren Oscar Saria (Madeline Kahn), Muntatze onenaren Oscar Saria (John C. Howard eta Danford B. Greene) eta Jatorrizko abesti onenaren Oscar Saria (John Morris eta Mel Brooks).

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

1874, Mendebalde Urruna. Tren burdinbide linea berri baten eraikuntza eskualdean dauden hare mugikor lursailen ondorioz eten egin da. Ibilbidea aldatzera behartuak daude, horrek burdinbidea Rock Ridge mugako herritik igarotzea suposatu dezake, bertako biztanle guztiek Johnson abizena dute. Estatuko prokuratzailea den Hedley Lamarr (Harvey Korman) azpisugeak negozio biribila egiteko asmoz burdinbidea iragango den lursailak prezio baxuan erosi nahi ditu. Hortaz, bertakoak izutu eta lursailak saldu diezaizkioten Taggart ganoragabea buru duen gaizkile talde bat bidaliko du, aldiz Rock Ridgeko herritarrek gobernadoreari (Mel Brooks) sheriff berri bat ziendatu dezan eskatuko diote. Halere, egoerak gobernadorea gainditu eta honek Lamarri sheriff berri gisa Bart (Cleavon Little) izeneko burdinbideko langile afroamerikarra izendatu dezan utziko dio. Bart beltza denez, Lamarrek bere erabaki honek Rock Ridge haserretuarazi eta herria abandonatu edota sheriff beria urkatuko duten itxaropena du.

Halere, Bartek bere azerikeria eta amuerruei nahiz Jim, ezizenez "Wacoko Mutila", pistolari trebe eta alkoholikoaren laguntzari esker herritarrak baretzea lortuko du (Jim, "Wacoko Mutila": «Cecil B. DeMille berak baina jende gehiago hil beharra izan dut»). Taggartek herrira bidalitako Mongo (Alex Karras) morroia garaitu eta haren lagun egingo da, eta Lili von Shtupp (Madeline Kahn) alemaniar emakume liraina ere bere erakarpen jokoan atzemango du. Azkenean sheriffak herritarrak antolatu eta Lamarren agindupeko morroiei aurre egin diezaien konbentzituko ditu.

Aktoreak[aldatu | aldatu iturburu kodea]

Cleavon Little: Bart sheriffa
Gene Wilder: Jim, "Wacoko Mutila"
Harvey Korman: Hedley Lamarr
Madeline Kahn: Lili von Shtupp, "Teutoniar Sahats-Titi"
Slim Pickens: Taggart
Dom DeLuise: Tipo bitxia
Mel Brooks: William J. Le Petomane gobernadorea / Indiar Buruzagia
Liam Dunn: Johnson erreberendoa
George Furth: Van Johnson erreberendoa
Burton Gilliam: Lyle
John Hillerman: Howard Johnson

David Huddleston: Olson Johnson
Richard Collier: Samuel Johnson doktorea
Alex Karras: Mongo
Jack Starrett: Gabby Johnson
Robyn Hilton: Miss Stein, gobernadorearen idazkaria
Rodney Allen Rippy: Bart gaztea
Charles McGregor: Charlie
Robert Ridgely: Boris, urkatzailea
Carol Arthur: Harriet Johnson
Anne Bancroft: Eliztarren taldeko estra
Ralph Manza: Komisaldegian Hitler antzezten duen gizona

Kanpo estekak[aldatu | aldatu iturburu kodea]

Blazing Saddles filmaren iragarkia ikusgai. Youtube.com (Ingelesez)
Blazing Saddles filmaren IMDBko fitxa irakurgai (Ingelesez)

Datuak: Q957323