Castelló de la Ribera

Castelló de la Ribera; Castelló
	Espainiako udalerria
	Irudi gehiago
Administrazioa
Estatu burujabe	Espainia
Autonomia	Valentziako Erkidegoa
Probintzia	Valentziako probintzia
Valentziar Herrialdeko eskualdeak	Ribera Alta
Alkatea	Horte Gómez Llacer (en)
Izen ofiziala	Castelló
Jatorrizko izena	Castelló
Posta kodea	46270
INEk ezarritako kodea	46257
Herriburua	Castellón (en)
Geografia
Koordenatuak	39°04′41″N 0°30′45″W / 39.0781°N 0.5125°W
Azalera	20.3 km²
Altuera	30 m
Mugakideak	Alberic, Beneixida, Carcaixent, Gavarda, Manuel, Sant Joanet, La Pobla Llarga, Senyera, Xàtiva eta La Llosa de Ranes
Demografia
Biztanleria	6.891 (2023); −41 (2022)
Dentsitatea	339,46 bizt/km²
Matrikula	V
Hizkuntza ofiziala	katalan
	castellosom.es…

Castelló de la Ribera Valentziako Erkidegoko udalerria da, Ribera Alta eskualdean eta Valentziako probintzian kokatua. Toponimoaren inguruko eztabaidaren ondorioz izen ofiziala Villanueva de Castellón da. valentzieraz historian zehar erabili diren beste bi izen Castelló de Xàtiva eta Vilanova de Castelló dira.

2010eko urtarrilaren 1eko erroldaren arabera 7.686 biztanle zituen.

Izenaren gaineko gatazka[aldatu | aldatu iturburu kodea]

Toponimo ofiziala, epaitegien barruko eta kanpoko eztabaida ugariren ostean, gaur egun Villanueva de Castellón da; Udalak errealitate hori aipatzen badu ere, bere web orrian Castelló herri izena ere erabiltzen du.^[1] Hor ez da Vilanova de Castelló agertzen, bai ordea AVLk argitaratutako jentilizio zerrendan^[2].

Herriaren izena eztabaida gogorra bihurtu da XX. mendearen amaieran eta XXI.aren hasieran, jarrerak politizatuz eta muturreraino eramanez. Erabiliena eta herri izena "Castelló" zenez horixe ofizial bihurtzea proposatu zen alde batetik, "de la Ribera" herri homonimoekin bereziteko gehituta; gainera hiribildu (vila, villa) tituluak jatorri borbonikoa zuela ere irizten diote. Beste aldean Valentziako Erkidegoko eskuina, eskuin muturra eta sektore antikatalanistak proposamen honen kontrako jarrera azaldu zuten eta Valentziako Generalitatean PPk eta Unió Valencianak zuten boterea probetxatuz Villanueva de Castellón ofizial bihurtu zuten. Horren ondorioz urte gutxitan herriak izen ofizial asko izan du^[3].