Emmanuel Nunes
| Emmanuel Nunes | |
|---|---|
| Bizitza | |
| Jaiotza | São Sebastião da Pedreira (en)  eta Lisboa, 1941eko abuztuaren 31 |
| Herrialdea |  Portugal |
| Heriotza | Parisko 10. barrutia eta Paris, 2012ko irailaren 2a (71 urte) |
| Hezkuntza | |
| Heziketa | Parisko Kontserbatorioa Lisboako Unibertsitatea |
| Hizkuntzak | portugesa frantsesa alemana |
| Ikaslea(k) | ikusi
|
| Jarduerak | |
| Jarduerak | musikagilea eta unibertsitateko irakaslea |
| Enplegatzailea(k) | Harvard Unibertsitatea Hochschule für Musik Freiburg (en) (1986 - 1992)Parisko Kontserbatorioa (1992 - 2006) |
| Jasotako sariak | |
| Genero artistikoa | opera |
| Musika instrumentua | pianoa |
     | |
Emmanuel Nunes (Lisboa, 1941eko abuztuaren 31 – Paris, 2012ko irailaren 2a) 1964tik aurrera Parisen bizi izandako portugaldar musikagilea izan zen.
Musika-ikasketak Lisboako Kontserbatorioan egin zituen lehenbizi, eta Parisen eta Darmstadten aritu zen gero. Karlheinz Stockhausen eta Henri Pousseurrekin egin zuen lan Kolonian. Nunesen lehenengo lanetan, idazketa polifoniko konplexua nabarmentzen da, gerra ondoko Europako abangoardiako estetikari asko zor diona: Graduak (1965), harizko hirukoterako; Purlieu (1970), harizko orkestrarako; Suaren eta itsasoaren letaniak II (1971). Nunesek adierazkortasun zakarra landu zuen, kontraste gogorrak eginez. Gertaera akustiko finenak kontuan hartzen dituzten partiturak landu zituen, eta maiz jatorri elektroakustikora jotzen dutenak, besteak beste, hauek: Ruf (1975-1977), orkestra eta elektronikarako; Wandlungen (1986), bost biribilketa hogeita bost tresnetarako eta elektronikarako; Quodlibet (1990-1991), hiru tresna-multzorako; Machina mundi (1991-1992), abesbatza, lau tresna bakarlari, orkestra eta elektronikarako. Alemaniako Friburgoko Kontserbatorioko konposizio-irakaslea izan zen, eta Europako musika gaztearen ordezkari nagusietako bat. 1992tik 2006ra, Parisko Musika eta Dantza Kontserbatorio Nazionaleko musika-konposizioko irakasle izan zen.
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
