Erregiñenea baserria

Erregiñenea baserria
Eraikitako euskal ondasun nabarmena
Kokapena
Herrialdea	Euskal Herria
Probintzia	Gipuzkoa
Udalerria	Gaztelu
Koordenatuak	43°06′53″N 2°01′26″W
Historia eta erabilera
Eraikuntza	XVI. mendea - XVIII. mendea
Ondarea
EJren ondarea	7

Egoskozabal Gaztelun dagoen baserria da, landagunearen hegoaldetik hurbileko bizkar zabal batean kokatua.

2005eko ekainaren 20an, Eusko Jaurlaritzak monumentu izendatu zuen, Sailkatutako Kultura Ondasuna.

Ezaugarriak

Eraikinak oinplano karratua du; halaber, bi isurkiko zurezko estalkia eta fatxada nagusiarekiko bizkar elkarzuta ditu, ekialderantz orientatua. Bi solairu eta ganbara ditu. Lurzoruaren aldapa aprobetxatuz, hegoaldean sotoa dago. Hormak, kanpoalderantz jarritako harri-hormez eginak daude lau eskantzuak harlanduzkoak dira. Ia bao guztiak harlanduz inguratuak daude. Fatxada nagusian erdi puntuko arku dobelatuko sarrera-atea dago. Bada, sotora doan beste ate dintelatua. Beheko solairuan, lau leiho-bao daude; lehen solairuan beste lau, eta hormapikoaren azpian harlanduz inguratutako idi-begia. Hegoaldeko fatxadan, beheko solairuan hiru leiho-bao daude, eta sotoan leiho gehiago. Iparraldeko fatxadak, altuera txikia du eta ez dago baorik. Mendebaldeko fatxadan, atxikitako teilapea dago.

Eraikinaren oinplanoak, ekialdetik mendebaldera hiru habearte ditu eta iparraldetik hegoaldera bost. Erdialdean, habe eta besoz mihiztatutako atal bakarreko lau pilare, lehen solairua eta ganbara eusten duten harrizko zapaten gainean zentratuak, eta harri-hormez eraikitako alboetako bi zama-horma (ekialdeko fatxada nagusiarekiko elkarzut) daude. Iparraldeko sektorean, abereentzako ukuilua eta etxebizitza daude. Azpian, hegoaldeko sektorean, soto bat dago. Mendebaldeko fatxadara atxikitako teilapea ez da monumentuaren zati bezala hartzen.

Erreferentziak

• Edukiaren zati bat monumentu hau sailkatutako kultura-ondasun izendatzen duen lege testutik hartu da. Izan ere, testua jabari publikokoa da eta ez du jabetza intelektualik, Espainiako Jabetza Intelektualaren Legeko 13. artikuluan xedatu denez (Espainiako Aldizkari Ofiziala, 97. zenbakia, 1996-04-22).

Kanpo estekak

• Kultura Ondasun izendapena EHAAn

• Datuak: Q608150
• Multimedia: Erregiñaenea baserria / Q608150