Escrache

Escrache (gaztelaniaz) Rio de la Plata inguruan, batez ere Buenos Aires eta Montevideon sorturiko manifestazio mota bat da. Aktibistak salatu nahi duten pertsonaren etxera edo lantokira doaz bere aurkako presioa egiteko. Normalki egoera zehatz baten erantzulea presionatzeko eta iritzi publikoak ezagutzeko erabiltzen da, baina batzuetan intimidazioa egiteko ere erabili izan da. Txilen praktika berdinari funa deitzen zaio.

Escrache motak[aldatu | aldatu iturburu kodea]

Ekintza hauek guztiak salatu nahi den politikariaren edo pertsonaren etxearen aurrean egiten dira:

Kaleko antzerkia
Pintaketak
Arrautzak edo margoak botatzea
Etxearen inguruan pankartak jartzea
Manifestazioak
Fatxadan edo eskaileretan igotzea
Lapikoak jotzea

Polemika[aldatu | aldatu iturburu kodea]

Politikari batzuek publikoki escracheen aldeko jarrera erakutsi baldin badute ere, beste batzuen esanetan "ekintza bortitzak" dira eta, ondorioz, zigortzeko modukoak. Esaterako, Euskal Herrian PPk zein EAJ alderdiek aurkako jarrera erakutsi duten arren, ezkerretik ekintza mota hauek orokorrean ondo ikusita daude.^[1] PPren jarrera oso erradikala da ^[2] eta publikoki escracheak ETArekin eta Ezker abertzalearekin lotu ditu.^[3] ^[4] Hasiera batean PPren salaketa etxe-kaleratzeen aurkako mugimenduaren aurkakoa izan bazen ere, gero Bizkaiko Stop Kaleratzeak elkartearen aurka zentratu zen.