Fars

Koordenatuak: 29°37′30″N 52°31′54″E / 29.625°N 52.5317°E / 29.625; 52.5317
Wikipedia, Entziklopedia askea
Fars
استان فارس
Irango probintzia
Administrazioa
HerrialdeaIran Iran
ISO 3166-2IR-07
HiriburuaXiraz
Geografia
Koordenatuak29°37′30″N 52°31′54″E / 29.625°N 52.5317°E / 29.625; 52.5317
Eremua122.608 kilometro koadro
Demografia
Biztanleria4.851.274 bizt. (2016)
Dentsitatea39,57 bizt/km²
Ekonomia
Langabezia-tasa12,4 ehuneko

Fars (persieraz: استان فارس‎ Ostān-e Fārs), aspaldiko denboretan Pars edo Persia deitua, Irango 31 probintzietako bat da, herrialdeko hegoaldean. 122.608 kilometro koadroko eremua dauka, eta 2011n, 4.596.658 biztanle zituen[1]. Hiriburua Xiraz da.

Geografia[aldatu | aldatu iturburu kodea]

Lurralde menditsua da, 2.000 eta 3.000 arteko gailurrekin. Zagros mendiak ipar-mendebaldetik hego-ekialdera hedaturik daude, probintzia bi gune geografikotan banatuz. Bakhtegan aintzira gaziak ureztatzen du.

Klima[aldatu | aldatu iturburu kodea]

Hiru gune klimatiko daude: iparraldeko gune menditsuak negu moderatuak eta uda epelak dauzka; erdialdeko guneak, negu euritsuagoak, eta uda lehorragoak izaten ditu; eta hegoaldeko guneak, negu moderatuak eta oso uda beroak izaten ditu. Xirazeko batez besteko tenperatura 16,8 °C da, eta 4,7-29,2 °C artean ibiltzen da urtean zehar.

Historia[aldatu | aldatu iturburu kodea]

Fars herri persiarraren jatorrizko lurraldea da (antzinako Persis), eta akemenestarren eta sasandarren inperioetako lurralde nagusia izen zen (Persepolis eta Pasargadako hondakinak).

Banaketa administratiboa[aldatu | aldatu iturburu kodea]

Fars probintzia 29 konderritan banaturik dago: Abadeh, Sarvestan, Jahrom, Eqlid, Rostam, Estahban, Darab, Nayriz, Bavanat, Larestan, Qir eta Karzin, Khorrambid, Lamerd, Kazerun, Fasa, Firuzabad, Zarrin Dasht, Mamasani, Shiraz, Marvdasht, Sepidan, Arsanjan, Pasargad, Kavar, Khonj, Farashband, Gerash, Kharameh eta Mohr.

Ekonomia[aldatu | aldatu iturburu kodea]

Aleak, fruituak, tabakoa eta opioa lantzen dira eta baita ardoa eta ehunak ere.

Erreferentziak[aldatu | aldatu iturburu kodea]

  1. Fars. amar.org.ir (Noiz kontsultatua: 2017-2-8).

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]