Il nome della rosa

Il nome della rosa
Datuak
Idazlea	Umberto Eco (1980)
Argitaratze-data	1980
Generoa	Historia, Misterioa
Jatorrizko izenburua	Il nome della rosa
Hizkuntza	Italiera
Argitaletxea	Bompiani (en) eta La nave di Teseo (en)
Herrialdea	Italia
Orrialdeak	533
ISBN	88-452-0705-6 ISBN 88-452-0705-6
Euskaraz
Izenburua	Larrosaren izena

Il nome della rosa (euskaraz Arrosaren izena) 1980an Umberto Eco italiar idazleak idatzitako eleberri bat da.^[1] XIV. mendean Italian Liguria eskualdeko Apeninoak mendilerroan dagoen monasterio batean girotua dago, Gilen Baskervillekoa eta bere laguntzailea den Adso Melkoa hilketa batuk ikertzera bertaratu dira. Mundu osoan eleberriak 50 milioi ale baino gehiago saldu zituen.^[2]^[3]

Idazleak eleberriko abadia girotzeko Italiako ipar-mendebaldeko Piemonte eskualdeko Sacra di San Michele abadian oinarritu zen.

Liburu honen bertsioak izan dira zineman eta antzerkian.^[4]

Argumentoa[aldatu | aldatu iturburu kodea]

1327. urtea, Joan XXII.a aitasantuaren agintealdia, Gilen Baskervillekoa frantziskotar fraidea eta bere laguntzailea den Adso Melkoa Italia iparraldeko abadia batetara bertaratu dira, han gauzatu diren hilketa batzuk ikertzera. Bestalde, datozen egunetan abadia berdinean Aitasantua eta Germaniako Erromatar Inperio Santuko Enperadorearen ordezkariak ere bildu behar dira, frantziskotarren adar berriaren ustezko hereziari buru mintzatzera.

Gilen eta Adso bertaratu eta fraide gazte baten hilketa ikertzen hasiko dira. Istorioa aurrera doan arabera fraide gehiago egoera bitxietan hilik agerten hasiko dira, fraideen artean abadian antikristoa dabilenaren zurrumurrua hedatu delarik, bienbitartean Inkisizioa eta Gilen Baskervillekoaren erabateko etsaia den Bernardo Gui inkisidorea ere tartean sartuko direlarik.