Kate Roberts

Kate Roberts
Bizitza
Jaiotza	Cae'r Gors (en) eta Rhosgadfan, 1891ko otsailaren 13a
Herrialdea	Erresuma Batua
Heriotza	Denbigh, 1985eko apirilaren 4a (94 urte)
Familia
Ezkontidea(k)	Morris Thomas Williams (en)
Hezkuntza
Heziketa	Bangorko Unibertsitatea Ysgol Syr Hugh Owen (en)
Hizkuntzak	galesa
Jarduerak
Jarduerak	idazlea eta haur literatura idazlea

Kate Roberts (Gwynedd, Gales, 1891ko otsailaren 13a - Denbigh, Gales, 1985eko apirilaren 4a) XX. mendeko idazle galestar gailenetako bat zen. Istorio laburrak eta eleberriak idatzi zituen. Kate, gainera, nazionalista galestarra zen.

Biografia

Rhosgadfan herrian (Gwynedd) jaio zen. Bere aita, Owen Roberts hargina zen ogibidez herriko arbel-harrobian. Galeseran graduatu zen Ipar Galesko Unibertsitate Eskolan eta ondoren irakasle egon zen Galesko hegoaldean.

Anaia hil zitzaion Lehen Mundu Gerran zehar eta gertakizun horrek idaztera bultzatu zuen.

Plaid Cymru alderdi politiko nazionalista galestarreko lehendabiziko kideetako bat izan zen. Alderdiaren bileretan Morris T. Williams ezagutu zuen eta 1928an berarekin ezkondu zen. Morris inprimatzailea zen, eta azkenik, inprimategia eta Gwasg Gee argitaletxea erosi zuen. 1935ean Denbighera bizitzera joan ziren. Inprimategian liburuak, panfletoak eta Y Faner izeneko galeserazko astekaria argitaratzen zuten, zeinetan Katek aldizka idazten baitzuen. 1946an, bere senarra hil zenean, inprimategiaren ardura hartu eta 10 urtez bertan lan egin zuen.

Erretiratu eta gero, Denbighen bizitzen jarraitu zuen eta 1985ean hil zen.

Lanak

• O Gors y Bryniau (1925)
• Deian a Loli (1927)
• Rhigolau Bywyd (1929)
• Laura Jones (1930)
• Traed Mewn Cyffion (1936)
• Ffair Gaeaf (1937)
• Stryd y Glep (1949)
• Y Byw sy'n Cysgu (1956)
• Te yn y Grug (1959)
• Y Lôn Wen (1960)
• Tywyll Heno (1962)
• Hyn o Fyd (1964)
• Tegwch y Bore (1967)
• Prynu Dol (1969)
• Gobaith (1972)
• Yr Wylan Deg (1976)
• Haul a Drycin (1981).

Ikus, gainera

• Galestar ezagunen zerrenda

• Datuak: Q3402447