Magdalena Abakanowicz

Atletismoa
Errekorrak
Marka pertsonalak

Magdalena Abakanowicz
	; Irudi gehiago
Bizitza
Jaiotza	Falenty (en) , 1930eko ekainaren 20a
Herrialdea	Polonia
Heriotza	Varsovia, 2017ko apirilaren 20a (86 urte)
Hobiratze lekua	Powązki Military Cemetery (en)
Hezkuntza
Heziketa	Varsoviako arte ederren akademia
Hizkuntzak	frantsesa; poloniera; ingelesa
Jarduerak
Jarduerak	eskultorea, ehungintzako artista, atleta, unibertsitateko irakaslea, diseinatzailea, arkitektura proiektuen marrazkilaria, margolaria, performancelaria eta artista
Atletismoa
Errekorrak
Marka pertsonalak
Lantokia(k)	Poznań; Sopot eta Varsovia
Enplegatzailea(k)	Magdalena Abakanowicz University of the Arts Poznań (en) (1965 -
Lan nabarmenak	ikusi Manus Ultimus (en) ; Birds of Knowledge of Good and Evil (en) ; Puellae (en) ; Nierozpoznani (en) ;
Jasotako sariak	ikusi Officer of Arts and Letters (1999) ; Arteetan eta Zientziatan Merituaren Ordena ; Knight Commander's Cross of the Order of Merit of the Federal Republic of Germany (2010) ; Golden Medal for Merit to Culture (2005) ; Herder Prize (1979) ; Commander with Star of the Order of Polonia Restituta (1998) ; Pour le Mérite ordena ; Silver Cross of Merit ; Gold Cross of Merit‎ ; Arte eta letren komendadorea (2004) ; Knight of the Order of Polonia Restituta ; Knight of the Order of Merit of the Italian Republic (2000) ;
Kidetza	Berlingo Arteen Akademia; Saxon academy of arts (en) ; Arteen eta Zientzien Ameriketako Estatu Batuetako Akademia
Mugimendua	Arte garaikidea
Izengoitia(k)	Abakanovitchi, Magudarēna
Genero artistikoa	Arte figuratiboa
	abakanowicz.art.pl

Marta Magdalena Abakanowicz-Kosmowska (Falenty, 1930eko ekainaren 20a - Varsovia, 2017ko apirilaren 20a) poloniar eskultorea izan zen.

Aristokrata-familia batean jaio zen, eta Bigarren Mundu Gerraren eta Gerra Hotzaren gertakari gogorrenak bizi izan zituen. 1950-1954 bitarteko urteetan Varsoviako Arte Ederretako eskolan ikasi zuen, eta pinturaren munduan sartu zen. 1962an Maria Laskiewicz eskultoreak Lausannako Tapizen Nazioarteko Bi Urteko erakusketarako proposatu zuen Abakanowicz eta Forma zurietako konposizioa lanarekin aurkeztu zen. Haren lanak berehala izan zuen arrakasta, izan ere, bere erliebe formek hautsi egiten zuten frantses tradizioa. Aipagarriak dira materialarekin egin zituen berrikuntzak eta lortzen zituen kontrasteak. 1970eko hamarraldiaren hasieran, ordea, soketan oinarritu zen haren lana. 1973. urtetik aurrera gai landugabeak erabili zituen bere eskulturetan: zaku ehunak, jutea. Teknika-aldaketa horrekin aldi berri bat hasi zuen, Alterazioak (1973-1982) lanak erakusten duenez. 1985. urtetik aurrera, ustel daitezkeen gaiak baztertu gabe, aire libreko eskultura handiak egiten hasi zen, brontzea, harria eta zura erabiliaz; hogeita hamar irudi osatu zituen brontzez (Katarsis). 1986-1991 urteen bitartean Jendetzak saila osatu zuen, berrogeita hamar-hirurogei irudi azefaloz osatua. Zenbait urte eta gero, lan erraldoiak egin zituen: Dragoiaren espazioa (1988, Seuleko olinpiar parkerako). Abakanowiczek, oinarrian, lan originala osatu zuen, ezin sar daitekeena joera eta moda jakinen barruan.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.