Nggela uharteak

Nggela uharteak
Nggela uharteak
Datu orokorrak
Mota	uharte multzoa
Azalera	386 km²
Geografia
Koordenatuak	9°05′00″S 160°15′19″E / 9.08323843°S 160.25524426°E
Estatua	Salomon uharteak
Province of the Solomon Islands	Probintzia Zentrala
Ur-gorputza	Salomon itsasoa

Nggela uharteak edo Florida uharteak, Salomon uharteetako estatuko probintzia zentraleko uhartedi txiki bat da. Uharte kate hori Nggela Sule uharte nagusiak eta beste irla txikiago batzuek osatzen dute. Haien artean; Tulagi, Gavutu eta Tanambogo daude. Florida uhartea izena batzuetan erabiltzen da Nggela Sule uharteaz berba egiteko.

Historia[aldatu | aldatu iturburu kodea]

Nggela uharteak Guadalcanalen ipar-iparrean dautza. Inguru hartan gertatu ziren Bigarren Mundu Gerrako Guadalcanalgo kanpainako gudu asko. Nggela Suleko uhartean, japoniarrek, 1942ko apirilean, goarnizio bat ezarri zuten, eta Gavutun ur-hegazkin base bat eraiki zuten. Hala ere, urte hartako abuztuaren 7an, AEBetako 2. marine erregimentuko 1. batailoia uhartean lehorreratu zen, aldameneko Tulagiko lehorreratzeei babesa ematearren. Florida uhartea ez zen inoiz Guadalcanal bezain ospetsua izango, Ozeano Bareko gerran estatubatuar eta Australiar base nagusi bat bertan egon arren. Japoniarrengandik askatu ostean, estatubatuarrek ur-hegazkin base bat eraiki zuten. Uhartea AEBetako itsas armadako urez hornitzeko puntu bat izan zen, uhartean ur putzu batzuetatik ura ateratzen baitzen.