Opsonina

Wikipedia, Entziklopedia askea
Zubi lana egiten dute opsoninek

Opsoninak (grezieratik: opsōneîn, "jateko prestatu") fagozitoen jarduera errazten duten molekulak dira, odol-serumean daudenak. Opsonizazio prozesua burutzen dute.

Opsoninak fagozito eta fagozitatu behar den partikularen artean kokatzen dira, zubi modura (ikus irudia). Fagozitoez gain, konplementu sistema ere aktibatzen dute opsoninek.

G immunoglobulina eta M immunoglobulina dira antigorputzak diren bi opsonina garrantzitsuenak. Konplementu sistemaren proteina batzuk ere (C3, esaterako) opsoninak dira.

Opsoninez inguratuta dagoen partikula edo mikrobio bat "opsonizatuta" dagoela esaten da [1], eta suntsituta izango da fagozitoen bitartez segundu gutxitan.

Erreferentziak[aldatu | aldatu iturburu kodea]

  1. Ingraham, J. eta Ingraham, C.: Introducción a la Microbiología vol. II, Ed. Reverté (1998), 388. orr. ISBN: 84-291-1871-3

Kanpo estekak[aldatu | aldatu iturburu kodea]