Paueko Nafarroako Parlamentua

Paueko Nafarroako Parlamentua
	Irudi gehiago
Kokapena
Estatu burujabe	Frantzia
Frantziaren banaketa administratiboa	Metropolitar Frantzia
Eskualdea	Akitania Berria
Departamendua	Pirinio Atlantikoak
Frantziako udalerri	Paue
Koordenatuak	43°17′N 0°22′W / 43.29°N 0.37°W
Historia eta erabilera
Eraikuntza	1585

Paueko Nafarroako Parlamentua (Nafarroa eta Biarnoko Parlamentua, baita Paueko Nafarroako Legebiltzarra ere) Biarno eta Nafarroako erakunde historikoa eta Biarnoko hiriburuan dagoen eraikin zibila da.

Paueko gazteluaren ondoan eraikia, izenak kontrakoa esan arren, ez da Nafarroako Erresumako parlamentua izan, Luis XIII.a Frantziakoak 1620ko urriaren 20an "Frantziari Nafarroa eta Biarnoren batze agiria" plazaratu zuenean sortu zelako. Frantziako erregeak Donapaleun kokatua zen Nafarroako kantzilertza eta Biarnoko gorteak desagerrarazi zituen eta, trukean, erakunde komun berri honek hartu zuen haien lekua, biarnes zein nafar ordezkarien protestaren erdian. Legebiltzarraren egoitzarako 1585ean eraikitako epaitegi baten eraikina aukeratu zuten, lehen Leskarreko gotzainaren egoitza ere izandakoa.

1716an su hartu zuen, berreraiki zuten eta egun Pirinio Atlantikoetako Kontseilu Orokorraren egoitza da.