Santiago (Kuba)

Santiago; Santiago de Cuba
	hiria
	Irudi gehiago
Administrazioa
Herrialdea	Kuba
Kubako probintzia	Santiago de Cubako probintzia
Izen ofiziala	Santiago de Cuba
Jatorrizko izena	Santiago de Cuba
Posta kodea	90100, 90200, 90300, 90400, 90500, 90600, 90700, 90800, 90900, 91000, 91100, 91200, 91300 eta 91400
Geografia
Koordenatuak	20°01′18″N 75°49′46″W / 20.0217°N 75.8294°W
Azalera	1032.29 km²
Altuera	82 m
Mugakideak	Guamá (en)
Demografia
Biztanleria	444.851 (2011); −64.292 (2004)
Dentsitatea	430,94 bizt/km²
Informazio gehigarria
Sorrera	1514
Telefono aurrizkia	22
Ordu eremua	UTC−05:00
Hiri senidetuak	Palermo, Santiago de Compostela, Cartagena de Indias, Esmeraldas (en) , Lisboa, Maracaibo, Montego Bay, Oakland, Rosario, Sabaneta, Santiago de los Caballeros, Napoli, Diadema (en) , San Petersburgo, Maracay eta Toluca de Lerdo

Santiago^[1] (gaztelaniaz: Santiago de Cuba) Santiago de Cubako probintziaren hiriburua da, Kubako bigarren hiri garrantzitsuena Habanaren ondoren. Uhartearen ekialdean kokatuta Ekialdeko probintzia zenaren hiriburua izan zen eta gaur egun izen bereko probintziaren burua da. Hiriaren fundatzailea Diego Velázquez de Cuéllar izan zen, 1515an, Kuabako lehenengoko zazpi herrien artean. Hernán Cortés konkistatzailea herri berriaren lehenengo alkate izan zen eta Mexiko konkistatzera abiatu zenean handik irten zen. Pánfilo de Narváez konkistatzaile eta esploratzaile ere herritik beraretik Floridako kostaldetara abiatu zen; bidaia hartara Narváez Aintzindari tituluaz eta gobernatzaile tituluaz irten zen baina bidaiak porrot egin zuen eta haren bitartean Narváez hil egin zen.

Santiago Kuba osoko lehenengo hiriburua izan zen. Haren portutik Afrikatik eramandako lehenengo esklabo beltzak sartu ziren uhartean. Horregatik Santiago sustrai espainiarrekin batera sustrai afrikarrak azter daitezke.

Kokapen geografikoa[aldatu | aldatu iturburu kodea]

Santiago uhartearen hego-ekialdean dago eta hauexek dira bere koordenadak: 20°01'17.42" N, 75°49'45.75" O. Historikoki Kubako bigarren hiri garrantzitsuena izan da eta gaur egun populazio handiena duena. Hango badiak Karibe itsasora ematen du eta garrantzi handiko itsas portua du.

Hiria badiaren inguruan handitu da, Sierra Maestra azpian. Ondorioz, hiriaren orografia nahasia da, aldapa ugariz eta hori da, alegia, Santiagoren ezaugarri nagusietariko bat.

Klima[aldatu | aldatu iturburu kodea]

Datu klimatikoak (Santiago)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	28	28	28	28	29	30	31	31	31	30	30	28	29.3
Batez besteko tenperatura minimoa (°C)	21	21	22	23	23	24	25	25	24	24	23	22	23.1
Pilatutako prezipitazioa (mm)	74	43	53	58	140	102	69	94	107	193	94	81	1107.4
Iturria: weather.com^[2]

Demografia[aldatu | aldatu iturburu kodea]

2004an, Santiago de Cuba udalerriak 494.337 biztanle zituen^[3]

**Santiago de Cubako biztanleriaren bilakaera**
1861	1899	1907	1919	1931	1943	1953
36.752	43.090	45.470	62.083	101.508	118.266	163.237
1970	1981	2002	2003	2004	2005	2006
277.600	347.279	423.392	424.031	424.905	425.780	426.199
2007	2008	2009
426.618	426.679	446.233
Iturria: 2002ra arte: errolda; 2003 eta 2009 artean estimazioak

Gizateriaren ondareak[aldatu | aldatu iturburu kodea]

San Pedro de la Roca gaztelua edo Castillo del Morro, Unescok 1997an Gizateriaren ondare bezala izendatu zuen. Erakunde horren arabera Hispanoamerikako arkitektura militarraren gaztelu osatuena eta hobeto gordeta da. Diseinuaren oinarria italiarra izan zen, errenazimentu estilokoa.
Kafe eremu landatuen hondakinak. Deklarazioa 2000 urtean eman zen, oso zonalde zailetako nekazal ekoizpen aintzindari bakana izateagatik.