Shenouda III.a

Shenouda III.a
	; Irudi gehiago
; Eliza Ortodoxo Koptoko Aita Santua	; 1971ko azaroaren 14a - 2012ko martxoaren 17a ; ← Pope Cyril VI of Alexandria (en) - Pope Theodoros II of Alexandria (en) →
; Eliza Ortodoxo Koptoko Aita Santua
Bizitza
Jaiotza	Manfalut (en) , 1923ko abuztuaren 3a
Herrialdea	Egipto
Heriotza	Alexandria, 2012ko martxoaren 17a (88 urte)
Hobiratze lekua	Monastery of Saint Pishoy (en)
Heriotza modua	: giltzurruneko gutxiegitasuna
Hezkuntza
Heziketa	Kairoko Unibertsitatea
Hizkuntzak	arabiera; ingelesa; frantsesa; italiera
Jarduerak
Jarduerak	teologoa, apaiza eta idazlea
Jasotako sariak	ikusi UNESCO-Madanjeet Singh Prize (2000) ; Al-Gaddafi International Prize for Human Rights ; honorary doctor of the University of Bonn ;
Sinesmenak eta ideologia
Erlijioa	Eliza Ortodoxo Koptoa

Shenouda III (koptoeraz: Ⲡⲁⲡⲁ Ⲁⲃⲃⲁ Ϣⲉⲛⲟⲩϯ ⲅ̅‎ Papa Abba Šenoude pimah šoumt ; arabieraz: بابا الإسكندرية شنودة الثالث‎ Bābā al-Iskandarīyah Shinūdah al-Thālith ;), jaiotze izena Nazeer Gayed (arabieraz: نظير جيد‎; Sallam, Asyut, Egipto, 1923ko abuztuaren 3a - Kairo, Egipto, 2012ko martxoaren 17a), Eliza Koptoaren Aita Santua, 117. Alexandriako Patriarka eta Afrika osoko Egoitza Santuaren Patriarka izan zen.

Bere kargua zela eta Shenouda III.a Alexandriako Patriarkatu Kopto Ortodoxoko Sinodo Santuaren burua eta Eliza Koptoarena zen. Ofizialki Bere Gorentasun Alexandriako Aita Santua, Egipto osokoa, Nubia, Etiopia eta Pentapolisekoa eta San Markosek ebanjelizatutako lurralde guztien Patriarka zen.

Kairoko Unibertsitatean arkeologia eta Kairoko seminarioan teologia ikasi zuen. Frai Antonios izenarekin ordenatu zen fraide Deir al-Surian monasterioan (Siriarren monasterioa). Bertan apezpiku izendatu zuen Zirilo VI.a Patriarkak, Shenouda III.a izena hartuta.

1971ko azaroaren 14tik aurrera Aita Santua izan zen Koptoentzat. Bere aitasantutzan lehenengo aldiz izan ziren apezpikuak Ameriketako Estatu Batuetan. Australian ere apezpikuak izendatu zituen eta Hego Amerikako Eliza Koptoa sortu. 1993an Eritreako Patriarka kargua sortu zuen.

1970eko hamarkadatik aurrera Kristautasunaren batasunaren alde lan egin zuen eta sineste ezberdinen arteko elkarrizketa bultzatu.