Skansen

Skansen
Irudi gehiago
Kokapena
Estatu burujabe	Suedia
Suediaren banaketa administratiboa	Stockholmgo konderria
Suediako udalerria	Stockholm udalerria
Kokapen fisikoa	Djurgården
Koordenatuak	59°19′28″N 18°06′04″E
Historia eta erabilera
Irekiera	1891
Inaugurazioa	1891ko azaroaren 11
Irekiera egunak	egunero
Bisitariak urtean	1.300.000
Webgune ofiziala

Skansen Suediako aire-libreko museoa eta zoologikoa da. Stockholm hiriburuan dago, Djurgården uhartean. Urtero 1'3 milioi bisitari izaten ditu.

Historia

Munduko lehenengotako aire-libreko museoa izan zen eta honen ondorioz Europan dauden antzeko museo ugarik Skansen izena hartu dute.

XIX mendean Suediako gizarteak industrializazio azkarra izan zuen eta nekazal eremuak desagertzera zioazela ikusita Artur Hazeliusek eraikin eta lanbide tradizionalak kontserbatu nahian berak ere sortua zuen Nordiska museet-en ondoan aire-libreko museoa sortzea erabaki zuen, 1881ean Oslon ireki zenaren antzirudiko. Hazeliusek Suedia guztiko 150 etxe erosi eta bertara ekarri zituen. 1963 artean Museo nordikoaren parte izan zen eta urte horretan banatu egin zen.

Museoa

300.000 m²-ko azalera hartzen du eta XIX mendeko suediar herrixka bat irudikatzen du. Artisauen etxe ugari daude, hala nola, larrugileak, zapatariak, zilarrezko bitxigileak, okinak, beiragileak... eta beren lana nola egiten den erakusten dute. Udaletxea, botika, errota, garai, taberna, postetxea eta dendak ere badira.

Eskandinaviako fauna erakusten duen zoologikoa ere badago barnean, hala nola: Altzeak, elur-oreinak, hartz arreak, otsoak, katamotzak, bisonteak, basurdeak, fokak...

Iruditegia

• 
  Sarrera.
• 
  Arthur Hazelius.
• 
  Beiragilea.
• 
  Etxaldea.
• 
  Postetxea.
• 
  Errota.
• 
  Kanpaidorrea.
• 
  Altzeak.
• 
  Hartzak.
• 
  Bisonteak.
• 
  Otsoa.

Kanpo estekak

• (Suedieraz)(Ingelesez) Webgune ofiziala

• Datuak: Q725108
• Multimedia: Skansen / Q725108