Berserker

Wikipedia(e)tik
Hona jo: nabigazioa, Bilatu
Öland udalerrian aurkitutako Vendelzeiteko brontzezko plaka.

Berserkerra (norvegieraren Berserk hitzetik eratorria) ia biluzik eta soilik otso eta hartz larruz estalirik borrokatzen zuten norvegiar gudari edo gerlari bikingoak ziren. Sarritan kontrolik gabeko eta gorrotoz beteriko amorru bizi edo trantze baten pean borrokatzen ziren, inongo minaren aurrean sentipenik gabe, beren ezkutuak hozkatu eta ahotik lerdea dariola (epilepsia jasaten zutela ere aipatu izan ohi da). Borrokara amorru itsuaz zuzentzen ziren, askotan inolako babesik edo armadurarik gabe ez zutela; drakkar ontzietatik denbora izan aurretik uretara jauzi egin eta bertan itotzen ziren kasuak ere jaso izan ziren. Gudalekuan euren aurkezpen edo agerrera soilak beren etsai eta baita beren gudalagunen itzelezko izua sorrarazten zuen.

Izendapen honen jatorri etimologikoa nahiko zehaztugabea dago, teoria baten arabera "berr" ("biluzik") eta "serkr" (atorraren antzeko jantzi mota bat) hitzetatik eratorria izango zen. Aldiz, beste teoria baten arabera germaniar hizkuntzako "berr" ("hartz") hitzetik eratorria izango zen, berserkerrak abereen larruekin (hartz, otso eta oreinak) janzten baitziren[1].

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Berserker Aldatu lotura Wikidatan