Bilbo-Parke/Guggenheim geltokia

Wikipedia, Entziklopedia askea
Bilbao-Parke/Guggenheim geltokia» orritik birbideratua)
Jump to navigation Jump to search

Koordenatuak: 43° 16′ 02″ N, 2° 56′ 19″ W / 43.267183°N,2.93872°W / 43.267183; -2.93872

Infobox train2.png
Bilbo–Parke/Guggenheim
Bilbao parke mercancias.jpg
Geltokia, portuko zama terminalaren inguruan
Kokapena
Helbidea Deustuko Zubia, 2; 48009
Udalerria Bilbo,  Bizkaia
Geltokiaren datuak
Gunea 0. gunea
Irekiera 1888ko martxoaren 19
Itxiera 2003ko azaroaren 21a
Bidaiariak 1 460 000 [1]
Nasa kopurua 2
Trenbide kopurua 2
Jabea RENFE
Eragilea(k) RENFE
Garraio zerbitzuak

Bilbo–Parke/Guggenheim (lehen, Bilbo–Parke), Bizkaiako Bilbo udalerriko Abando auzoko geltoki zaharra da, Euskal Herrian dagoena.

Geltokia RENFE enpresa publikoaren lurgaineko tren geltoki bat zen, Bilbo udalerriko gaur egungo Abandoibarra gunean kokatuta zegoena, Deustuko zubiaren ondoan eta Bilboko Arte Eder Museoaren aurrean hain zuzen ere. Geltokiak, garai ezberdinetan zehar, Bilboko Renfe Aldirien C-1 red.svg , C-2 green.svg eta C-4 purple.svg lineen parte izan zen, azken linea hau gaur egun itxita dagoena. Geltokia 2003ko azaroaren 21ean utzi zuten zerbitzuz kanpo, Abandoibarreko proiektua gauzatzeko. [2] Bilbo–Naxa geltokia itxi zutenetik, 1999ko martxoaren 3an, geltokia itxi zuten arte, 2003ko azaroaren 21an, C-4 purple.svg linearen geltoki-buru izan zen.

Bilboko Renfe Aldirien sareko geltokirik erabiliena zen, Deustuko Unibertsitateko ikasle askok, zein geltoki inguruko bulegoen langile askok ere egunero erabiltzen baitzuten. Gainera, Bilboko Guggenheim Museoa irekitzearekin batera bidaiari kopurua igo zen.[3] Geltokia eta Guggenheim museoaren artean RENFEren zama-garraiorako terminala zegoen, 2002an Bilboko portura mugitu zena, Santurtziko udalerrian zama-garraioentzako geltoki berria ere eraiki zelarik, Bilbo–Salgaien geltokia, alegia.[4]

Izena[aldatu | aldatu iturburu kodea]

Casilda Iturrizar parkearen mutur batean egoteagatik geltokiaki Bilbao-Parke izena eman zitzaion.

Bilboko Guggenheim museoa ireki ondoren geltokiaren aurreko izenari Guggenheim hitza gaineratu zitzaion. Museoaren irekierarekin lotuta, geltokiko eraikinaren sabaian, 1997tik geltokia itxi zen arte, José Ibarrola artistaren artelan bat kokatu zen, Las sombras del Guggenheim son de colores (Guggenheimko itzalak koloredunak dira) izenekoa.

Egoera[aldatu | aldatu iturburu kodea]

Geltokia Bilbo—Santurtzi eta Bilbo—Muskiz burdinbideen dago, 23 metroko altueran, Bilbo–Naxa eta Olabeaga geltokien artean. Tartea bide bikoitzekoa da eta elektrifikatuta dago.[5]

Historia[aldatu | aldatu iturburu kodea]

Trenbidearen Hegoaldeko Saihesbidea[aldatu | aldatu iturburu kodea]

Artikulu nagusia: «Trenbidearen Hegoaldeko Saihesbidea»
Trenbidearen Hegoaldeko Saihesbidea
     Berezko trazadura     Trenbidearen Hegoaldeko Saihesbidea eraiki ondorengo trazadura.     Renfe Feveren trazadura.

1999 urtera arte, C-1 red.svg eta C-2 green.svg lineen helmuga, Santurtzi eta Muskizetik abiatuta hurrenez hurren, Bilbao-La Naja izeneko geltokia zen. Bilboko zentzuan ibiltzen ziren trenek, Olabeagako geltokia pasatu ondoren, gaur egungo Abandoibarra gunea zeharkatzen zuten, eta itsasadarrari jarraituz, Bilbao-Concordia geltokiaren behean zegoen La Naja geltokira heltzen ziren. Aldiz, C-3 light blue.svg linearen zerbitzuek Abandoko geltokia zuten helmugatzat.

Bilbao Ría 2000 erakundeak bultzatuta, Bilboko Renfe Aldirien Trenbidearen Hegoaldeko Saihesbidearen proiektua egin zen, Olabeaga eta Bilbao La Naja arteko trenbidea aldatuz. Hala, 2000 urtean San Mamés, Autonomía, Ametzola eta Zabalburu geltoki berriak ireki ziren, eta C-1 red.svg eta C-2 green.svg lineak Abandoko geltokira bideratu ziren trenbide berrietatik. Hala, Abandoko geltokia Renferen aldiriko trenen linea guztien geltoki-buru bihurtu zen.

Era berean, Hegoaldeko Saihesbidearen inaugurazioak Bilbo–Naxa geltokia ixtea ekarri zuen, eta Olabeaga eta Bilbo-Parke/Guggenheim arteko anezka sortu zen, C-4 purple.svg linea, alegia. Azkenik, geltokia 2003ko azaroaren 21ean itxi zuten, C-4 purple.svg linearekin batera.[6] Linea ixteak bide eman zion Bilboko tranbiaren luzapenari, Guggenheim eta Santimami geltokien artean, urte bereko uztailaren 4an gauzatu zena.

Gaur egungo Bilboko tranbiaren Abandoibarreko geltokia, lehengo tren geltokia zegoen tokiaren ondoan dago.

Geltokia[aldatu | aldatu iturburu kodea]

Geltokiak sarbide bakarra zuen, eskaileren bidez, Deustuko zubitik. Bidaiarientzako geltokia izateaz gain, Bilboko Portuko zamalanetarako terminal gisa funtzionatzen zuen. Bilboko Renfe Aldiriko sareko estaziorik erabiliena zen, Deustuko Unibertsitateko ikasle askok eta inguruetako bulegoetako langileek erabiltzen baitzuten egunero. Gainera, Guggenheim Museoa inauguratu zenean, bidaiari kopurua handitu egin zen.

Zerbitzuak[aldatu | aldatu iturburu kodea]

Tren batek ere ez du geralekuan geldialdirik egiten.

Etorkizuna[aldatu | aldatu iturburu kodea]

Urtarorik ez dagoenez, ezin da ezer egin.

Erreferentziak[aldatu | aldatu iturburu kodea]

  1. (Gaztelaniaz) Tranvia.org. «La estacion de RENFE Bilbao Parke-Guggenheim desaparecera.» . Noiz kontsultatua: 2014-07-25.
  2. Bilbao aldizkaria. «Quince años día a día» . Noiz kontsultatua: 2014-07-06.
  3. (Gaztelaniaz) Forotrenes.com. «El B.P.T.» . Noiz kontsultatua: 2014-07-25.
  4. (Gaztelaniaz) El País. «La nueva estación de mercancías en el Puerto liberará en un mes el solar de Abandoibarra» . Noiz kontsultatua: 2014-07-25.
  5. «Bilbao-La Naja (Est.) :: © EuroFerroviarios ® :: El Punto de Encuentro de los Trabajadores Ferroviarios» euroferroviarios.net . Noiz kontsultatua: 2020-05-24.
  6. El País. «Renfe cerrará el 21 de noviembre su estación de Abandoibarra» . Noiz kontsultatua: 2014-07-03.

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]