Bilboko aireportuarekin trenbide lotura

Wikipedia, Entziklopedia askea
Jump to navigation Jump to search


Infobox Public Transport.png
Euskotren Logo Negativo.svg Bilboko aireportuarekin trenbide lotura
Estación de Matiko 2.jpg
L3ko Matikoko geltokia trenbidearen geltoki-burua izango da.
Datu orokorrak
Garraio mota Metro (garraiobidea)
Zerbitzatutako eskualdeak Txorierri eta Bilbo
Geltoki kopurua 4
Jabea Eusko Jaurlaritza
Web gunea http://www.euskotren.eus
Ustiapena
Eragilea(k) Eusko Trenbideak – Ferrocarriles Vascos S.A.
Trenen luzera 69,458 m (EMU-900)
52,458 m (EMU-950)
Maiztasuna 7,5' 15' 30'
Datu teknikoak
Sarearen luzera 6,576 km
Galiboa 1 m
Abiadura maximoa 90 km/h
Eskema

Eskema
tKBHFa ruby + lINT
BSicon tKBHFa ruby.svg
Matiko Euskotren Trena Logo.svg Euskotren E1.svg Euskotren 1D.svg Euskotren E3.svg Euskotren E4.svg 
tSTR ruby
Artxandako tunelak
tSTR ruby
3'
tSTRe ruby
BHF ruby
Ola
tSTRa ruby
3'
tBHF ruby + INT
BSicon tBHF ruby.svg
Sondika Euskotren Trena Logo.svg ETlicono.png 
tSTR ruby
1'
KBHFe ruby
Aireportua

Bilboko aireportuarekin trenbide lotura Euskal Trenbide Sarearen proiektu bat da, Bilbo eta Bilbo-Loiu aireportuaren arteko trenbidea eraikitzeko. Trenbidea Matikoko geltokian hasi eta Bilbo-Loiu aireportuan eraikiko den geltokian bukatuko da, bidetik Ola eta Sondikako geltokietatik igaroko dela. Eusko Trenbideak eragileak ustiatuko du eta aireportua eta Zazpikaleetako geltokiaren arteko bidaia 15 minutuko iraupena izango du.[1][2]

2009ko urtarrilaren 30ean jakinarazi zen Bilbo-Loiu aireportura trenbide lotura eraikiko zela, Sondikako geltokitik abiatuta 2.800 metro luzedun adar baten bidez.

Ez da argitu noizko espero den adar honen lanak abiatzea, ezta trenbide honen irekitzea ere. 2017ko martxoaren 29an Vicente Reyes Bizkaiko Foru Aldundiaren Garraio, Mugikortasun eta Lurraldearen Kohesioa Sustatzeko Foru Ahaldunak adierazi zuen Bilbo eta aireportua trenbidez lotzea ez dela premiazkoa, aditzera emanez trenbide loturaren proiektua geldiunean utziko dela.[3]

Linearen zatiak[aldatu | aldatu iturburu kodea]

Proiektua hiru zatitan dago banatuta: Artxandako tunel berriak, Ola-Sondika, eta Sondika-Aireportua tarteak.

Artxandako tunel berriak[aldatu | aldatu iturburu kodea]

Trenbidea aireportura luzatzeko proiektuaren lehen zatia Artxandako tunel berriak dira. Bilbo eta Sondika udalerrien artean, Artxanda mendipean eraikitako trenbide bikoitzeko trazadura berria da, Txorierriko muturrean Olako geltokia eta Bilboko muturrean Matikoko geltokia lotuta. Tunelak 2017ko apirilaren 8an jarri ziren martxan, 3. linearen irekierarekin batera, eta gaur egun Euskotrenen Txorierriko linearen tren zerbitzuak ibilbide honetatik ibiltzen dira, trenbidea Metro sarean integratuz.

Tunel berriak ireki aurretik, Txorierria eta Bilbo lotzen zituen Euskotrenen trenbideak Artxanda zeharkatzen zuen trenbide bakarreko tunel bat gurutzatuta. Trenbide bakarreko tunela izateagatik, tren linea horretan maiztasun eskasak eskaintzen ziren, gehienez 30 minutukoak. Tunel berriak martxan jartzearekin batera maiztasuna bikoiztu zen, eguneko ordu gehienetan 15 minutuko maiztasuna lortuz. Bestalde, tunel zaharra tunel berrien larrialdi-irteera izateko moldatu da.

Ola-Sondika tartea[aldatu | aldatu iturburu kodea]

Bigarren zatia, Ola-Sondika tartea alegia, Artxanda mendiaren azpitik igarotzen den trenbide bikoitzeko tunelaren amaieran hasi eta Sondikako geltoki inguruan amaitzen da.

Azterlanak trenbide bikoitzeko saihesbidea definitzen du Ola eta Sondika artean, geltoki berriekin Olan (aire zabalean) eta Sondikan (lur azpian) gaur egun lur gainean dagoen geltokitik gertu. Hala, Sondikako geltokiak gaur egun suposatzen duen zaku-hondoa kentzeko aukera emango du, horrek zaildu eta baldintzatu egiten baititu Txorierriko linearen funtzionaltasuna eta tren ustiapena. Halaber, Lutxanan Arriagako Kotxetegietara joateko sarbide adarrarekin eta Lezamako linearekin ezarri beharreko lotura bideratuko du.[4]

Trazadura berria 1.890 metro luze den saihesbidea da, luzera horretatik 1.455 metro –%75a– lurpekoa. Bestalde, 545 metroko (gaur egun Lezamara doan trenbidearekin lotzeko adarra) eta 754 metroko (gaur egun Lutxanako Kotxegietara doan trenbidearekin lotzeko adarra) bi adar planteatzen dira. Guztira, trazadurak 3.189 metro ditu, horietatik 2.020 –%63a– lurpean.[5]

Aurreikusitako aurrekontua 78.743.044 €-koa da.

2017ko apirilaren 3an Eusko Jaurlaritzak Ola-Sondika tartearen Informazio Azterlana jende aurrean aurkeztu zuen.

Sondika-Aireportua tartea[aldatu | aldatu iturburu kodea]

Hirugarren eta azken fasea Sondikako geltokia eta aireportua lotuko duen trenbide adarra da. Tarte honen barruan aireportuko terminalari zerbitzu emango dion geltokia dago. Geltokia aparkalekua eta La Paloma terminalaren arteko lurpeko pasabidean kokatuko da.[2]

Erreferentziak[aldatu | aldatu iturburu kodea]

Ikus, gainera[aldatu | aldatu iturburu kodea]