Bismarck korazatua

Wikipedia, Entziklopedia askea
Jump to navigation Jump to search
Bismarck korazatua
Bundesarchiv Bild 193-04-1-26, Schlachtschiff Bismarck.jpg
Bismarck korazatua 1940an.
War Ensign of Germany (1938–1945).svg
Ontziola: Blohm + Voss, Hanburgo
Mota: Korazatua
Agintze data: 1935eko azaroaren 16a
Uretaratze data: 1939ko otsailaren 14a
Izendatze data: 1940ko abuztuaren 24a
Zerbitzua: Ez
Ezaugarriak
Desplazamendua: 41.700 Tn (estandarra); 50.300 Tn (pisu betea) tona
Luzera: 241,6 m
Zabalera: 36 m
Sakonera: 9,3 m
Bulkada: • 12 Wagner galdara
• 3 Blöhm & Voss baporezko turbina
• 3 helize, hirupaladun, Ø 4,70 m
Abiadura: 30,01 korapilo (55,5 km/h) korapilo
Autonomia: 8870 mn (16.430 km), 19 korapilora (35km/ord) ml
Eskifaia: 103 ofizial
• 1962 azpiofizial eta marinel marinel
Armamentua: • 8 kanoi SK 380 mm/C34 (4 × 2)
• 12 kanoi 150 mm (6 × 2)
• 16 kanoi SK 105 mm/C33 (8 × 2)
• 16 kanoi SK 37 mm/C30 (8 × 2)
• 12 kanoi 20 mm FlaK 30 (12 × 1)

Bismarck korazatua, Kriegsmarineko korazatu bat izan zen, Otto von Bismarck kantzilerra eta Alemaniaren bateratzearen bultzatzailearen omenezko izena zeramana. Tirpitz korazatuarekin batera, Alemaniak inoiz eraikitako korazatu handiena izan zen.

1936ko uztailaren 1an Hanburgoko Blohm + Voss ontziolan eraikitzen hasi eta 1939ko otsailaren 14an ureratu zen.

Bismarck korazatua zerbitzuan 8 hilabetez bakarrik egon zen, Ernst Lindemann kapitainaren agindupean, Rheinübung kode izendapeneko operazio bakar batean parte hartuz. Honetan, Prinz Eugen gurutzaontziarekin batera, Atlantikoan AEBen eta Erresuma Batuaren arteko nabigazio aliatua erasotzea eta oztopatzea helburu zuten. Halere, aliatuek alemaniar ontziak Eskandinavia parean somatu eta haiek atzemateko Erresuma Batuak hainbat gerraontzi bidali zituen. Topaketa Danimarkako itsasarteko guduan jazo zen, bertan Bismarck korazatua Royal Navyko ikur zen HMS Hood gurutzaontzia hondoratu eta HMS Prince of Wales korazatuari kalte larriak eragin zizkion, baina era berean britainiar gerraontzien hiru kanoi tiro latz jaso zituen. Halere, gudu hartatik osorik ateratzea lortu zuen, alemaniar korazatuak ospe handia bereganatuz.

Balentria horren ondorioz, Royal Navy edo Erresuma Batuko Itsas Armadak, Hood gurutzaontziaren hondoratzea mendakatzeko asmoz, Bismarck korazatua atzemateko berehalako bilaketa etengabe bati ekin zion, horretarako dozenaka gerraontzi itsasoratu zituen. Handik bi egunetara, Frantzia Okupatuaren kostaldean nabigatzen ari zela, Fairey Swordfish hegazkin torpederoak eta HMS Ark Royal hegazkinontziak atzeman eta hondoratu egin zuten.


Wikimedia Commonsen badira fitxategi gehiago, gai hau dutenak: Bismarck korazatua Aldatu lotura Wikidatan