Bizi!

Wikipedia(e)tik
Hona jauzi: nabigazioa, Bilatu
Bizi!
Bizi.jpg
Mota 1901eko legearen araberako elkartea
Sorrera 2009
Egoitza 20 Cordeliers karrika 64100 Baiona
Helburua Mundu hobe baten eraikuntza larrialdi klimatikoaren eta ekologikoaren desafioa, bai eta justizia sozialarena konduan hartuz
Egitekoak Botxa-eza, Desobedientzia zibila, mobilizazio kanpainak , hezkuntza popularra , alternatiba zehatzen eraikuntza
300+
Webgunea www.bizimugi.eu

Bizi! herritar mugimendu altermundialista da. Larrialdi ekologikoak eta justizia sozialak mundu edo tokiko mailan sortzen dituzten erronkei erantzunen ekartzeko urratsak egiten ditu. 2009ko ekainaren 24ean Kopenhageko [1] gailurra aitzin sortu zen Manu Robles-Arangiz fundazioaren sostenguarekin, bere tokiko ekintza eremua Ipar Euskal Herria da eta bere komunikazioa elebitan egiten du (euskara/frantsesa). Bizi!-k ez du alderdi politikoen edo botere publikoen menpe izan nahi eta legez kanpoko estrategiak eta ekintza bortitzak ez ditu onartzen.

Antolaketa eta funtsezko oinarriak[aldatu | aldatu iturburu kodea]

Biziren hitzarmenaren arabera [2] elkartearen ekintzak 6 oinarritan bermatzen dira:

  • Diagnostikoa, kritika eta erresistentzia ;
  • Proposamen zehatz batzuren lantzea ;
  • Gaurdanik posible diren tokiko alternatiba kolektiboen aldeko borroka;
  • Bakoitzaren jokamoldeen aldaketa eta praktikaren pedagogia;
  • Barne eta kanpo formakuntza;
  • Nazioarteko gogoeta eta mobilizazioetan parte hartzea.

Ibilmolde demokratikoa, "Kide bat berdin boz bat" oinarriaren arabera, erabakiak denei irekiak diren koordinaketa bilkuretan hartzen dira. Elkartea gai desberdinen inguruko lan taldetan eta tokiko eskualde desberdinetako taldetan.

Jardun eremuak[aldatu | aldatu iturburu kodea]

Orokorki Bizi! mugimendua trantsizio sozial eta ekologikoa (kontsumo arduratsua, banku etikoak [3] , hondakinen kudeaketa, aztarna ekologikoaren murrizketa, trantsizio energetikoa [4] …) plantan ezartzen aritzen da. Horretarako ekitaldiak, ekintza ikusgarriak eta tokiko hautetsiekilako lanak antolatzen ditu.
Ia etengabe antolatzen dituen hitzaldi ziklo batzuen bidez ( Hervé Kempf, Paul Ariès, José Bové, Geneviève Azam, Hervé Le Treut ), Bizi!-k parte hartzen du hiritarrei gaur egungo erronkak ulertzeko tresnak emaiten.
Elkartea gehienbat ezaguna da :

  • Txirrindularen erabilpena eta autobusentzat bakarrik diren guneak[5]. garatzeko kanpaina antolatu baitu,
  • Tokiko eta elkartasunezko moneta bat pikoan ezartzen esku hartu baitu[6],
  • AHL bide berriaren (Bordale-Hendaia Abiadura Handiko Linea) ) bere aurkakotasuna eta hurbileko garraio kolektiboen aldeko garapenaren sustengua erakutsi baititu,
  • Ekologia eta gizarte mailan hautabidezko ekintzak baloratu baititu Alternatiba8 alternatiben herrixka ekitaldia antolatuz,
  • Ekintza aipagarriak gauzatu baititu, hala nola « Grenelle de l’environnement » delakoaren ehorzketak Nicolas Sarkozy-ren gobernuak karbono tasaren uztea baieztatzean, ekologikoki axolagabeko inbertsioak egiten dituzten bankuen kontrako garbiketa operazioak, igandetan ateak idekitzen dituzten supermerkatuen aurkako ekintza ikusgarriak , etab.

Bizi nazioartean[aldatu | aldatu iturburu kodea]

Bizi!k erregularki parte hartzen du nazioarte mailan eramanak diren kanpainetan : Klimari buruzko Kopenageko Konferentzian 2009an, Cancúneko Gailur Alternatiboan 2010an (klimari buruzko Cancúneko Konferentziaren ber momentoan), Nizako G20-aren kontra-gailurrean, 2011an, Rio + 20 –eko Populuen gailurrean (Nazio Batuen Garapen Iraunkorraren Goi Bilera), 2012an, 2013an, Tunisiako Munduko Foro Sozialean[7], maila globalean, aldaketa klimatikoaren aurka aritzeko, beste elkarte eta mugimenduekin batera.

Kolektiboak[aldatu | aldatu iturburu kodea]

Sortu denez geroztik, Bizi!-k parte hartzen du kolektibo ezberdinetan :

  • AHT edo Abiadura Handiko Trenbidearen aurkako Koordinaketan : inposatuak diren behar gabeko proiektu erraldoiei aurre egiteko.
  • Notre-Dame-des-Landes -eko aireportu berriaren proiektuaren aurkakoen Euskal Herriko sostengu komitean.
  • Audit Citoyen de la dette publique edo Zor Publikoaren Herritar Ikuskaritza baten aldeko zilegitasun gabeko zor publikoen kontrako Herritar eta Tokiko Kolektiboan.
  • En Train Pays Basque Kolektiboan
  • Ipar Euskal Herriko tokiko moneta ekologiko eta solidarioa den Eusko-aren Kolegio-en komitean.

Gertakariak[aldatu | aldatu iturburu kodea]

Alternatiba, alternatiben herrixka, besta erraldoi bat da non publiko zabal bati ongi etorria egina zaion aldaketa klimatikoari eta krisi ekologikoari alternatiba zehatz batzuen aurkezpena eginez. Lehen edizioa, Susan Georges-en babespean egin zen 2010an. Bigarren edizioa Stéphane Hessel–ek babestu zuen eta 2013ko urriaren 6an iraganen da Baiona hiri erdian. Antolatzaileen arabera behar lituzke 10.000 pertsona hurbilarazi. Bizi! ezagutua ardura ekologikoa har arazteko eramaiten dituen kanpaina handiei esker Baionako bestetan (non milioika pertsona pasatzen diren) eta maiatzaren leheneko mobilizazioetan.

Kanpoko estekak[aldatu | aldatu iturburu kodea]

Eranskinak eta erreferentziak[aldatu | aldatu iturburu kodea]

  1. http://paperekoa.berria.info/iritzia/2010-10-13/005/009/kopenhagetik_alternatibara_mobilizazioak_segitzen_du.htm
  2. http://issuu.com/bizimugi/docs/charte_eu?mode=embed&backgroundColor=000000&layout=http://skin.issuu.com/v/color/layout.xml
  3. http://www.lejpb.com/paperezkoa/20100720/211141/fr/Bizi--attaque-le-Credit-Agricole-dAnglet
  4. http://paperekoa.berria.info/iritzia/2012-03-10/007/001/nuklearretik_ateratzea_beharrezkoa_bezain_posible.htm
  5. http://www.argia.com/astekaria/docs/2348/pdf/5-9.pdf
  6. http://www.argia.com/albistea/garraiobide-alternatiboak-aldarrikatuko-ditu-bizi-mugimenduak/inprimatu
  7. http://www.kazeta.info/euskalherria/tunisiako-munduko-foro-sozialera-joan-dira-bizi-ko-mugimenduko-kideak